عبرانیوں 1:14 - کِتاب مُقدّس سرائیکی ترجمہ

¹⁴ کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

عبرانیوں 1:14 Iomraidhean Croise

متّی 1:20

او اِنہاں گالھیں دے بارے ءچ سوچیندا ای پِیا ہا جو رب دے فرشتے اُونکُوں خواب ءچ نظر آ تے آکھیا، ”یُوسف! داؤد دے پوتر، آپنڑی ذال مریم کُوں آپنڑے کولھ گِھن آوݨ تُوں نہ ڈر، کیوں جو جیہڑا اُوندے پیٹ ءچ ہے او رُوح القُدس دی قُدرت نال ہے۔

متّی 13:41

اِبنِ آدم آپنڑے فرشتیاں کُوں بھجیسی تے او ٹھوکر کھواوݨ آلیاں ساریاں چیزاں تے بدکاراں کُوں اُوندی بادشاہی ءچوں جمع کریسن۔

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

متّی 2:13

اُنہاں دے ونجنڑ تُوں بعد رب دا ہِک فرشتہ یُوسف کُوں خواب ءچ ڈِکھالی ڈِتا تے آکھنڑ لگا، ”اُٹھی۔ بال تے اُوندی ماء کُوں نال گِھن تے مِصر دو بھج وَنج، تے جئیں تئیں مَیں نہ آکھاں اُتھائیں رہوائے، کیوں جو ہیرودیس اِیں بال کُوں گولھ تے مارݨ چاہندے۔“

متّی 24:31

وَل او آپنڑے فرشتیاں کُوں نرسِنگے دی اُچی اواز نال بھجیسی، تے او اُوندے چُنڑے ہوئے لوکاں کُوں چارے پاسُوں یعنی اسمان دے ہِک سرے کنُوں ڈُوجھے تئیں جمع کریسن۔

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

متّی 4:11

وَل ابلیس اُوندے کنُوں چلیا گِیا تے فرشتے آ تے اُوندی خدمت کرݨ لگے۔

مرقس 10:17

جِیں ویلے یسُوع نِکل تے آپنڑے رستے ویندا پِیا ہا تاں ہِک بندہ بھجدا ہویا آیا تے اُوندے سامنڑے گوڈے ٹیک تے پُچھنڑ لگا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“

لُوقا 1:19

فرشتہ جواب ڈِتا، ”مَیں جبرائیل ہاں جیہڑا خُدا دے حضُور کھڑا راہندا ہاں، تے اِیں واسطے بھیجیا گِیا ہاں جو تیڈے نال کلام کراں تے تیکُوں اِنہاں گالھیں دی خوشخبری سُنڑاواں۔

لُوقا 1:23

وَل جِیں ویلے زکریاہ دی خدمت دے ڈینہہ پُورے تھی گئے تاں او آپنڑے گھر گِیا۔

لُوقا 16:22

اِینویں تھیّا جو او غریب مر گِیا تے فرشتیاں اُونکُوں گِھن تے ابرہام دی جھولی ءچ پُچا ڈِتا تے امیر بندہ وی مر گِیا تے دفن تھیّا۔

لُوقا 2:13

یک دم فرشتیاں دا ہِک گروہ اُوں فرشتہ نال خُدا دی تعریف کریندا تے ایہ آدھا ظاہر تھیّا جو

لُوقا 2:9

رب دا ہِک فرشتہ اُنہاں اُتے ظاہر تھیّا تے رب دا جلال اُنہاں دے چودھارُوں چمکیا تے او بہُوں ڈر گئے۔

اعمال 11:22

اُنہاں لوکاں دی خبر یروشلیم دی کلیسیا دے کَناں تئیں پُجی تے اُنہاں برنباس کُوں انطاکِیہ تئیں بھیجیا۔

اعمال 12:23

اُونہئی ویلے خُداوند دے فرشتہ اُونکُوں ماریا، کیوں جو اُوں لوکاں دی تعریف قبول کر تے خُدا کُوں جلال نہ ڈِتا تے اُوندے جِسم ءچ کیڑے پے گئے تے او مر گِیا۔

اعمال 12:7

ابڑغُت خُداوند دا ہِک فرشتہ ظاہر تھیّا تے پُوری کوٹھڑی ءچ سوجھلا تھی گِیا۔ اُوں پطرس دی پسلی کُوں ہتھ لا تے اُونکُوں جگایا تے آکھیا جو ”جلدی اُٹھی۔ تے زنجیراں اُوندے ہتھاں ءچوں کُھل پئیاں۔“

اعمال 13:2

جِیں ویلے او خُداوند دی عبادت کریندے تے روزے رکھیندے پئے ہَن تاں رُوح القُدس آکھیا، ”میڈے کیتے برنباس تے ساؤل کُوں اُوں کم کیتے مخصوص کر ڈیؤ جیندے کیتے مَیں اُنہاں کُوں سڈیا ہے۔“

اعمال 16:26

جو اچانک ہِک زوردار زلزلہ آیا جیندے نال قید خانہ دیاں بنیاداں ہل گئیاں۔ دروازے فوراً کُھل گئے تے سارے قیدیاں دیاں بیڑیاں وی کُھل گئیاں۔

اعمال 27:23

کیوں جو خُدا جِیندا مَیں بندہ ہاں تے جیندی مَیں عبادت وی کریندا ہاں، اُوندا فرشتہ اِیں رات میڈے کولھ آیا،

اعمال 5:19

پر رات کُوں خُداوند دے ہِک فرشتہ قید خانہ دے دروازے کھولے تے اُنہاں کُوں باہر کڈھ تے آکھنڑ لگا جو

رومیوں 11:14

تاں جو کہیں طرحاں وی مَیں آپنڑی قوم آلیاں کُوں غیرت ڈیوا تے اُنہاں ءچوں بہُوں کُوں نجات ڈیوا سگاں۔

رومیوں 13:6

تُساں ٹیکس وی اِیں وجہ تُوں ڈیندے ہیوے، کیوں جو حکُومت کرݨ آلے خُدا دے خادم ہِن تے آپنڑے کم ءچ مصروف راہندے ہِن۔

رومیوں 15:16

جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس دے ذریعے مُقدّس تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول تھیوے۔

رومیوں 15:27

ایہ کم اُنہاں خوشی نال تاں کیتا پر یروشلیم دے مُقدّساں دے قرضدار وی ہَن۔ کیوں جو جے غیر قوماں یہُودیاں دی رُوحانی برکتاں ءچ شامل تھئیاں ہِن تاں ضروری ہے جو او وی آپنڑی جِسمانی برکتاں نال یہُودیاں دی خدمت کرݨ۔

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

2کُرِنتھِیوں 9:12

کیوں جو تُہاڈی اِیں خدمت دے سببّوں نہ صرف مُقدّساں دیاں ضرورتاں پُوریاں تھیندیاں ہِن بلکہ بہُوں لوک خُدا دی خُوب شُکرگزاری کریندے ہِن۔

گلتِیوں 3:29

تے جے تُساں مسیح دے ہیوے تاں ابرہام دی نسل تے وعدے دے مطابق وارث وی ہیوے۔

گلتِیوں 3:7

بس جاݨ گِھنو جو اِیمان گِھن آوݨ آلے ای ابرہام دی حقیقی اولاد ہِن۔

گلتِیوں 3:9

بس جیہڑے اِیمان گِھن آندے ہِن او اِیماندار ابرہام نال برکت پیندے ہِن۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

فِلِپّیوں 2:25

پر مَیں اِپفُردِتُس کُوں تُہاڈے کولھ بھیجنڑ ضروری سمجھیا۔ او میڈا بِھرا، ہم خدمت، تے مسیح ءچ میڈے نال سپاہی بلکہ او تُہاڈا قاصد تے میڈیاں ضرورتاں پُوریاں کرݨ کیتے خدمت گُزار ہے۔

2تھِسّلُنیکیوں 1:7

تے تُہاکُوں ڈُکھ چاوݨ آلیاں کُوں ساڈے نال ارام ڈیوے۔ ایہ اُوں ویلے ہوسی جِیں ویلے خُداوند یسُوع آپنڑے زورآور فرشتیاں دے نال بھڑکدی ہوئی بھاہ ءچ اسمان ءچوں ظاہر تھیسی۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

عبرانیوں 10:11

ہر کاہِن روزانہ ہیکل ءچ کھڑا تھی تے آپنڑی خدمت انجام ڈیندے، تے اُوہو قُربانیاں ولا ولا پیش کریندے جیہڑیاں گُناہاں کُوں کڈھائیں مِٹا نئیں سگدیاں۔

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

عبرانیوں 6:12

تُساں آلسی نہ بنڑو بلکہ اُنہاں دے نمونے اُتے ٹُرو جیہڑے آپنڑے اِیمان تے صبر دے سببّوں وعدیاں دے وارث تھیندے ہِن۔

عبرانیوں 6:17

اِیں واسطے جِیں ویلے خُدا دی مرضی تھئی جو وعدے دے وارثاں اُتے بِیا وی صاف طور تے ظاہر کرے جو میڈا اِرادہ لاتبدیل ہے تاں اُوں قَسم کھا تے اِیندی تصدیق کیتی۔

عبرانیوں 8:6

پر ہُنڑ مسیح کُوں ڈُوجھے کاہِناں کنُوں افضل خدمت مِلی ہے کیوں جو او اُوں افضل عہد دا درمیانی ہے، جیہڑا چنگے وعدیاں اُتے قائم کیتا گِیا ہے۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

1 پطرس 1:4

یعنی ہِک نہ ختم تھیوݨ آلی، بے داغ تے لازوال میراث جیہڑی خُدا دی طرفوں ساڈے کیتے اسمان اُتے محفوظ ہے۔

1 پطرس 3:7

پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔

یہُوداہ 1:14

حنُوک وی جیہڑا آدم دی ستویں پُشت ءچوں ہا، اِنہاں دے بارے ءچ پیشن گوئی کیتی ہئی جو ”ڈیکھو! خُداوند آپنڑے لکھاں پاک فرشتیاں نال آندا پئے

مُکاشفہ 5:6

وَل مَیں اُوں تخت، چارے جانداراں تے اُنہاں بزُرگاں دے وچال ہِک لیلا کھڑا ڈِٹھا جیہڑا ذبح تھیّا ہویا لگدا ہا۔ اُوندے سَت سینگ ہَن تے سَت اکھیں۔ ایہ خُدا دیاں سَت رُوحاں ہِن جیہڑیاں ساری زمین اُتے بھیجیاں گئیاں ہِن۔