گلتِیوں 6:10 - کِتاب مُقدّس سرائیکی ترجمہ

¹⁰ اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

گلتِیوں 6:10 Iomraidhean Croise

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی 12:50

کیوں جو جیہڑا کوئی میڈے اسمانی باپ دی مرضی اُتے چلدے اُوہو میڈا بِھرا تے میڈی بھینڑ تے میڈی ماء ہے۔“

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

متّی 5:43

تُساں سُنڑ چُکے ہیوے جو آکھیا گِیا ہا جو ’آپنڑے ہمسائے نال محبت رکھ تے دُشمنڑ نال وَیر۔‘

مرقس 3:4

وَل اُنہاں کُوں آکھیا، ”کیا سبت دے ڈینہہ نیکی کرݨ جائز ہے یا بدی کرݨ؟ جان بچاوݨ یا قتل کرݨ؟“ او چُپ ریہے۔

لُوقا 6:35

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

یُوحنّا 12:35

یسُوع اُنہاں کُوں جواب ڈِتا، ”نُور تُہاڈے نال تھوڑی دیر تئیں بِیا ہے۔ جئیں تئیں نُور تُہاڈے نال ہے نُور ءچ چلدے راہو، اِینویں نہ تھیوے جو اندھارا تُہاکُوں آ جھلے۔ جیہڑا بندہ اندھارے ءچ چلدے، او نئیں جانڑدا جو کِتھاں ویندے۔

یُوحنّا 9:4

جئیں تئیں ڈینہہ دا سوجھلا ہے، ساکُوں اُوندا کم کرݨ ضرور ہے، جئیں میکُوں بھیجیا ہے۔ او رات آندی پئی ہے جیندے ءچ کوئی بندہ کم نئیں کر سگدا۔

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔

2کُرِنتھِیوں 2:8

اِیں واسطے مَیں تُہاڈی مِنت کریندا ہاں جو اُونکُوں آپنڑی محبت دا یقین ڈیواؤ۔

گلتِیوں 1:23

او صرف ایہ سُنڑدیاں ہَن جو ”جیہڑا بندہ پہلے ساکُوں ستیندا ہا، او ہُنڑ اُوں اِیمان دی تبلیغ کریندے جِینکُوں پہلے برباد کرݨ دی کوشش کریندا ہا۔“

اِفِسیوں 2:19

بس ہُنڑ تُساں پردیسی تے اجنبی نئیں ریہے بلکہ خُدا دے مُقدّساں دے ہم وطن تے خُدا دے گھرانڑے دے لوک بنڑ گئے ہیوے۔

اِفِسیوں 3:15

جیندے تُوں اسمان تے زمین دے ہر خاندان کُوں ناں مِلے۔

اِفِسیوں 4:28

چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔

اِفِسیوں 5:16

تے وقت کُوں چنگی طرحاں استعمال کرو کیوں جو ڈینہہ بُرے ہِن۔

فِلِپّیوں 4:10

مَیں خُداوند ءچ بہُوں خوش ہاں جو اِتنے عرصے بعد تُساں ولا میڈی فِکر کیتی ہے۔ بے شک تُہاکُوں پہلے وی فِکر ہئی پر تُہاکُوں کُجھ کرݨ دا موقع نہ مِلیا۔

کلُسِّیوں 4:5

ہر موقع کُوں چنگی طرح استعمال کریندے ہوئے غیر اِیمانداراں نال ہوشیاری نال پیش آؤ۔

1تھِسّلُنیکیوں 5:15

خبردار! کوئی بندہ کہیں نال بدی دے بدلے بدی نہ کرے بلکہ ہر حال ءچ آپس ءچ تے سبھ لوکاں نال نیکی کرݨ دی کوشش ءچ راہو۔

1تھِسّلُنیکیوں 5:21

بلکہ ہر گالھ کُوں ازماؤ۔ جیہڑی چنگی ہووے اُونکُوں پکڑی راہو۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

عبرانیوں 13:16

تے بھلائی تے سخاوت کرݨ نہ بُھلائے کیوں جو خُدا ایجھیاں قُربانیاں کُوں پسند کریندے۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔

1 پطرس 4:17

کیوں جو عدالت دا ویلا آ گئے تے عدالت خُدا دے گھر آلیاں تُوں شروع تھیسی تے جڈاں عدالت ساڈے تُوں شروع تھیسی تاں اُنہاں دا انجام کیا ہوسی جیہڑے خُدا دی خوشخبری کُوں نئیں منیندے۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

3 یُوحنّا 1:10

جِیں ویلے مَیں آساں تاں اُونکُوں اُوندے ایہ کم جیہڑے او کریندا پئے، یاد ڈیویساں کیوں جو او ساڈے خلاف بُرے گالھیں کریندے۔ تے صرف اِیہو نئیں بلکہ بِھرانواں کُوں خود وی قبول نئیں کریندا تے ڈُوجھیاں کُوں جیہڑے اُنہاں کُوں قبول کرݨ چاہندے ہِن، روکیندے، تے کلیسیا ءچوں کڈھ ڈیندے۔

3 یُوحنّا 1:11

میڈے عزیز! بُرائی دی نئیں بلکہ نیکی دی راہ اُتے ٹُر۔ نیکی کرݨ آلا خُدا تُوں ہے تے جیہڑا بُرائی کریندے، اُوں خُدا کُوں اصلُوں نئیں پچھانڑیا۔

3 یُوحنّا 1:3

میکُوں بہُوں خوشی تھئی جڈاں کُجھ بِھرانواں آ تے تیڈے بارے ءچ گواہی ڈِتی جو تُوں سچائی دے مطابق زندگی گُزریندا پئیں۔