گلتِیوں 5:4 - کِتاب مُقدّس سرائیکی ترجمہ

⁴ تُساں جیہڑے شریعت دے وسیلے نال راستباز بنڑݨ چاہندے ہیوے، مسیح کنُوں اَنج تھی گئے ہیوے تے فضل تُوں محروم تھی گئے ہیوے۔

گلتِیوں 5:4 Iomraidhean Croise

رومیوں 11:6

تے جے فضل کنُوں چُنڑے گئے ہِن تاں وَل اعمال کنُوں نئیں، نہ تاں فضل، فضل نہ راہندا۔

رومیوں 3:20

کیوں جو شریعت دے کم کر تے کوئی بندہ خُدا دی نِگاہ ءچ راستباز نئیں کھڑ سگدا بلکہ شریعت دے وسیلے گُناہ دی پچھاݨ تھیندی ہے۔

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

گلتِیوں 5:2

ڈیکھو! مَیں پولُس خود تُہاکُوں آدھا ہاں جو جے تُساں ختنہ کرواؤ تاں مسیح کنُوں تُہاکُوں کوئی فائدہ نہ تھیسی۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

عبرانیوں 4:1

بس جڈاں خُدا دا ایہ وعدہ قائم ہے جو اساں اُوندے ارام دی جاہ ءچ داخل تھی سگدے ہیں تاں ساکُوں خبردار راہونڑا چاہیدے، کِتھائیں اِینویں نہ تھیوے جو تُہاڈے ءچوں کوئی اُوندے ءچ داخل تھیوݨ کنُوں محروم رہ ونجے۔

مُکاشفہ 2:5

بس یاد کر جو تُوں کِتھوں ڈھٹھا ہیں۔ توبہ کر تے، اُوہو کم کر جیہڑے پہلے کریندا ہَویں، نہ تاں مَیں تیڈے کولھ آ تے تیڈے چراغ کُوں اُوندی جاہ کنُوں ہٹا ڈیساں۔