گلتِیوں 4:4 - کِتاب مُقدّس سرائیکی ترجمہ

⁴ پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

گلتِیوں 4:4 Iomraidhean Croise

متّی 1:23

”ڈیکھو ہِک کُنواری حاملہ تھیسی تے پوتر جمسی تے اُوندا ناں عِمانُوایل رکھیسن۔“ جِیندا ترجمہ ہے خُدا ساڈے نال۔

متّی 3:15

یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

متّی 5:17

ایہ نہ سمجھو جو مَیں توریت یا نبیاں دے صحیفیاں کُوں منسوخ کرݨ آیا ہاں۔ منسوخ کرݨ نئیں بلکہ پُورا کرݨ آیا ہاں۔

مرقس 1:15

او آکھنڑ لگا جو ”وقت پُورا تھی گِیا ہے تے خُدا دی بادشاہی نیڑے آ گئی ہے۔ توبہ کرو تے خوشخبری اُتے اِیمان گِھن آؤ۔“

لُوقا 1:31

تُوں حاملہ تھیسیں تے تیڈے پوتر جم سی۔ اُوندا ناں یسُوع رکھیں۔

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

لُوقا 2:7

تے اُوندا پلوٹھا پوتر جمیا۔ اُوں اُونکُوں کپڑے ءچ ولھیٹ تے کُھرلی ءچ رکھ ڈِتا کیوں جو اُنہاں کیتے سراں ءچ جاہ نہ ہئی۔

لُوقا 20:44

بس داؤد تاں خود اُونکُوں مالک آدھے، وَل او اُوندا پوتر کِینویں تھی سگدے؟“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

اعمال 1:7

اُوں اُنہاں کُوں آکھیا، ”اُنہاں وقتاں تے معیاداں کُوں جاننڑاں جِنہاں کُوں باپ آپنڑے اِختیار ءچ رکھے، تُہاڈا کم نئیں۔

رومیوں 1:3

آپنڑے پوتر دے بارے ءچ کیتا، جیہڑا جِسمانی لحاظ نال تاں داؤد دی نسل ءچوں ہا،

رومیوں 15:8

مَیں تُہاکُوں ڈسیندا ہاں جو یسُوع مسیح خُدا دی سچائی ثابت کرݨ کیتے یہُودیاں دا خادم بنڑیا، تاں جو اُنہاں وعدیاں دی تصدیق کرے جیہڑے پِیُو ڈاڈے نال کیتے گئے ہَن،

رومیوں 5:6

کیوں جو جِیں ویلے اساں سارے بے وس ہسے تاں مسیح عین موقع تے اساں بدکاراں کیتے آپنڑی جان ڈِتی۔

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

رومیوں 9:5

قوم دے بزُرگ اُنہاں دے ای ہِن تے المسیح وی جِسمانی طور تے اُنہاں ءچوں ہے، جیہڑا ساریاں اُتے حکُومت کرݨ آلا خُدا ہے۔ اُوندی حمد ہمیشاں تئیں تھیندی راہوے۔ آمین۔

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

کلُسِّیوں 2:14

تے حُکم عدُولی دے لِکھے ہوئے اِلزاماں کُوں مِٹا ڈِتا جیہڑے ساڈے خلاف ہَن، تے اُونکُوں صلیب اُتے کِیلاں نال جَڑ تے، ساڈے کنُوں دُور کر ڈِتا،

1 تِیمُتھِیُس 2:6

جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا۔ اِینویں اُوں مقرر وقت اُتے اِیں گالھ دی گواہی ڈِتی۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

عبرانیوں 2:14

بس کیوں جو خُدا دے فرزند خون تے گوشت نال بنڑے ہوئے اِنسان ہِن، اِیں واسطے یسُوع خود وی اُنہاں آلی کار اِنسان بنڑیا تاں جو آپنڑی موت دے وسیلے نال موت دی قُدرت رکھنڑ آلے یعنی ابلیس کُوں تباہ کرے،

عبرانیوں 9:10

اُنہاں دا تعلق صرف کھاوݨ پِیوݨ تے غُسل دیاں مختلف رسماں نال ہے۔ ایہ جِسمانی قانُون ہِن جیہڑے صرف نویں نِظام دے آوݨ تئیں مقرر کیتے گئے ہِن۔

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

1 یُوحنّا 4:2

تُساں خُدا دے رُوح القُدس کُوں اِینویں پچھاݨ سگدے ہیوے جو جیہڑی رُوح ایہ اِقرار کرے جو یسُوع مسیح اِنسانی جسم ءچ آئے، او خُدا دی طرفوں ہے۔