گلتِیوں 4:21 - کِتاب مُقدّس سرائیکی ترجمہ

²¹ میکُوں ڈساؤ! تُساں جیہڑے شریعت دے تابع تھیوݨ چاہندے ہیوے، کیا شریعت دے گالھیں نئیں سُنڑدے؟

گلتِیوں 4:21 Iomraidhean Croise

مرقس 10:3

یسُوع جواب ءچ اُنہاں کُوں آکھیا جو ”مُوسیٰ تُہاکُوں کیا حُکم ڈِتے؟“

لُوقا 16:29

ابرہام اُونکُوں آکھیا، ’اُنہاں دے کولھ مُوسیٰ تے نبی تاں ہِن، اُنہاں دی سُنڑݨ۔‘

یُوحنّا 10:34

یسُوع اُنہاں کُوں جواب ڈِتا، ”کیا تُہاڈی شریعت ءچ ایہ نئیں لِکھیا جو خُدا آکھے، ’تُساں خُدا ہیوے؟‘

یُوحنّا 12:34

لوکاں اُونکُوں جواب ڈِتا ”اساں شریعت ءچوں ایہ سُنڑیا ہے جو المسیح ہمیشاں تئیں زندہ راہسی، وَل تُساں کیوں آدھے ہیوے جو ’اِبنِ آدم دا اُچے اُتے چڑھایا ونجنڑ ضرور ہے؟‘ ایہ اِبنِ آدم کوݨ ہے؟“

یُوحنّا 15:25

پر ایہ اِیں واسطے تھیّا جو اُنہاں دی شریعت ءچ لِکھی ہوئی گالھ پُوری تھی ونجے جو اُنہاں میڈے نال بِلاوجہ نفرت کیتی۔

رومیوں 3:19

بس اساں جانڑدے ہیں جو شریعت جیہڑا کُجھ آدھی ہے، اُنہاں کُوں آدھی ہے جیہڑے شریعت دے پابند ہِن، تاں جو ہر مُنہ بند تھی ونجے تے ساری دُنیا خُدا دے سامنڑے سزا دی حقدار ہووے۔

رومیوں 6:14

کیوں جو تُساں شریعت دے ماتحت نئیں بلکہ فضل دے ماتحت ہیوے، اِیں واسطے گُناہ دا تُہاڈے اُتے اِختیار نہ ہوسی۔

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟