گلتِیوں 3:5 - کِتاب مُقدّس سرائیکی ترجمہ

⁵ خُدا جیہڑا تُہاکُوں رُوح القُدس بخشیندا تے معجزے ظاہر کریندا ہے۔ کیا او ایہ اِیں واسطے کریندے جو تُساں شریعت اُتے عمل کریندے ہیوے یا اِیں واسطے جو تُساں پیغام سُنڑ تے اِیمان گِھن آئے ہیوے؟

گلتِیوں 3:5 Iomraidhean Croise

اعمال 14:3

بس پولُس تے برنباس اُتھاں بہُوں عرصے تئیں ریہے تے خُداوند دے بھروسے تے دلیری نال کلام کریندے ہَن۔ خُداوند اُنہاں معجزیاں تے عجیب کماں دے ذریعے جیہڑے اُنہاں دے ہتُھوں تھیندے ہَن، آپنڑے فضل دے کلام کُوں برحق ثابت کریندا ریہا۔

رومیوں 10:17

بس اِیمان پیغام سُنڑݨ تُوں پیدا تھیندے یعنی مسیح دا کلام سُنڑݨ تُوں۔

رومیوں 15:19

معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

2کُرِنتھِیوں 10:4

کیوں جو ساڈی لڑائی دے ہتھیار دُنیاوی نئیں بلکہ خُدا دی طرفوں مضبوط قلعیاں کُوں ڈھا ڈیوݨ دی قُدرت رکھیندے ہِن۔

2کُرِنتھِیوں 12:12

مَیں بہُوں صبر نال، تے نشاناں تے عجیب کماں تے معجزیاں دے وسیلے نال تُہاڈے وچال رسُول ہووݨ دے ثبوت ظاہر کریندا ریہا۔

2کُرِنتھِیوں 13:3

کیوں جو تُساں اِیں گالھ دا ثبوت منگدے ہیوے جو مسیح میڈے ءچ کلام کریندے۔ او تُہاکُوں سِدھا کرݨ کیتے کمزور نئیں بلکہ تُہاڈے وچال زور آور ہے۔

2کُرِنتھِیوں 3:8

تاں رُوح القُدس دے نِظام دا جلال اُوں کنُوں کِتنا زیادہ ہوسی؟

2کُرِنتھِیوں 9:10

خُدا جیہڑا رہاوݨ آلے کُوں بیج تے کھاوݨ آلے کُوں روٹی ڈیندے، اُوہو تُہاکُوں وی بیج ڈیسی بلکہ تُہاڈے بیج دے ذخیرے کُوں ودھیسی تے تُہاڈی راستبازی دی فصل کُوں زیادہ کریسی۔

گلتِیوں 3:2

مَیں تاں تُہاڈے کنُوں صرف ایہ پُچھنڑ چاہندا ہم جو کیا رُوح القُدس تُہاکُوں شریعت اُتے عمل کرݨ نال حاصل تھئے یا پیغام کُوں سُنڑ تے اُوندے اُتے اِیمان گِھن آوݨ نال؟

فِلِپّیوں 1:19

کیوں جو مَیں جانڑدا ہاں جو تُہاڈی دُعا تے یسُوع مسیح دے رُوح القُدس دی مدد نال اِیندا انجام میڈی رہائی ہوسی۔