گلتِیوں 3:15 - کِتاب مُقدّس سرائیکی ترجمہ

¹⁵ بِھراؤ! مَیں اِنسانی زندگی دی ہِک مثال ڈیندا ہاں جو بھانویں کوئی اِنسانی معاہدہ ای ہووے، جڈاں اُوندی تصدیق تھی گئی ہووے تاں نہ کوئی اُونکُوں ختم کر سگدے تے نہ ای اُوندے ءچ کُجھ ودھا سگدے۔

گلتِیوں 3:15 Iomraidhean Croise

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

رومیوں 3:5

پر ہُنڑ مَیں ہِک گالھ اِنسان وانگُوں اکھیندا ہاں۔ جے ساڈی بدی خُدا دی راستبازی ظاہر کریندی ہے تاں اساں کیا آکھوں؟ کیا ایہ جو خُدا ساڈے اُتے غضب نازل کر تے بے اِنصافی کریندے؟

رومیوں 6:19

مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

1کُرِنتھِیوں 15:32

جے مَیں صرف اِنسانی اُمید رکھیندے ہوئے اِفِسُس ءچ جنگلی جانوراں نال لڑیا تاں میکُوں کیا فائدہ تھیّا؟ جے مُردے زندہ نہ کیتے ویسن، تاں ”آؤ کھاؤں پِیؤں کیوں جو کل تاں مرنڑا ای ہے۔“

گلتِیوں 6:18

بِھراؤ! ساڈے خُداوند یسُوع مسیح دا فضل تُہاڈی رُوح نال راہوے۔ آمین۔

عبرانیوں 6:13

جِیں ویلے خُدا ابرہام نال وعدہ کیتا تاں اُوں آپنڑے ای ناں دی قَسم کھادی کیوں جو قَسم کھاوݨ کیتے خُدا کنُوں وڈا کوئی نہ ہا۔

عبرانیوں 6:16

لوک تاں آپنڑے کنُوں وڈے دی قَسم کھاندے ہِن تے قَسم گالھ دی تصدیق کر تے جھیڑے کُوں ختم کریندی ہے۔

عبرانیوں 9:17

کیوں جو وصیّت صرف موت دے بعد عمل ءچ آندی ہے۔ وصیّت کرݨ آلے دے جِیندے جی وصیّت اُتے عمل نئیں تھی سگدا۔