گلتِیوں 3:10 - کِتاب مُقدّس سرائیکی ترجمہ

¹⁰ پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

گلتِیوں 3:10 Iomraidhean Croise

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

رومیوں 4:15

کیوں جو شریعت غضب گِھن آندی ہے تے جِتھاں شریعت نئیں اُتھاں حُکم عدُولی وی نئیں۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 8:7

کیوں جو جِسمانی نیّت خُدا دی مخالفت کریندی ہے۔ او نہ تاں خُدا دی شریعت دے تابع ہے نہ تھی سگدی ہے۔

2کُرِنتھِیوں 3:7

جِیں ویلے او موت گِھن آوݨ آلا نِظام جیندے الفاظ پتھر دیاں تختیاں اُتے لِکھے گئے ہَن، ایجھا جلالی ہا جو بنی اِسرائیل کُوں مُوسیٰ دے چہرے دے نُور کُوں ڈیکھنڑ دی تاب نہ ہئی بھانویں جو او نُور گھٹدا ویندا ہا،

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔