گلتِیوں 2:2 - کِتاب مُقدّس سرائیکی ترجمہ

² میڈا اُتھاں ونجنڑ ہِک مُکاشفہ دی وجہ تُوں ہا۔ مَیں اُنہاں لوکاں نال جیہڑے کلیسیا ءچ وڈے راہنما سمجھے ویندے ہَن، کلھیپے ءچ مُلاقات کیتی تے اُنہاں کُوں او خوشخبری پیش کیتی جیہڑی مَیں غیر قوماں کُوں سُنڑیندا ہم۔ میں نئیں چاہندا جو میڈی او بھج دھروک جیہڑی مَیں پہلے کیتی ہئی تے ہُنڑ تئیں کریندا ہاں، بے فائدہ تھیوے۔

گلتِیوں 2:2 Iomraidhean Croise

متّی 10:16

ڈیکھو مَیں تُہاکُوں بھجیندا ہاں جِینویں بھیڈاں کُوں نہراں ءچ۔ اِیں واسطے تُساں نانگاں وانگُوں ہوشیار تے کبوتراں وانگُوں بھولے بنڑو۔

اعمال 15:12

وَل ساری جماعت چُپ ریہی تے پولُس تے برنباس دا بیان سُنڑݨ لگی جو خُدا اُنہاں دے ذریعے غیر قوماں ءچ کیجھے کیجھے معجزے تے عجیب کم ظاہر کیتے۔

اعمال 15:2

جِیں ویلے پولُس تے برنباس دی اُنہاں دے نال سخت تکرار تے بحث تھئی تاں کلیسیا ایہ مقرر کیتا جو پولُس تے برنباس تے اُنہاں ءچوں کُجھ بئے بندے اِیں مسئلہ کیتے رسُولاں تے بزُرگاں کولھ یروشلیم ونجنڑ۔

اعمال 15:4

جِیں ویلے یروشلیم پُجے تاں کلیسیا، رسُول تے بزُرگ اُنہاں کُوں خوشی نال مِلے تے اُنہاں سبھ کُجھ بیان کیتا جیہڑا خُدا اُنہاں دی معرفت کیتا ہا۔

اعمال 18:9

ہِک رات خُداوند پولُس کُوں رویا ءچ آکھیا، ”خوف نہ کر بلکہ آدھا وَنج تے چُپ نہ رہ،

اعمال 23:11

اُونہی رات خُداوند پولُس دے کولھ آ کھڑا تھیّا تے آکھیا، ”حوصلہ رکھ، جِینویں تَیں یروشلیم ءچ میڈی گواہی ڈِتی ہے، اُونویں ای تیکُوں روم ءچ گواہی ڈیونڑی پوسی۔“

اعمال 5:34

پر گملی ایل ناں دے ہِک فریسی جیہڑا شریعت دا عالم تے سارے لوکاں ءچ عزت دار ہا، عدالت ءچ کھڑا تھی تے حُکم ڈِتا جو اِنہاں بندیاں کُوں تھوڑی دیر کیتے باہر کر ڈیؤ۔

رومیوں 9:16

اِیں واسطے اِیندا تعلق نہ تاں اِنسان دی خواہش نال ہے تے نہ ای اُوندی بھج دھروک نال بلکہ خُدا دے رحم نال ہے۔

1کُرِنتھِیوں 1:23

پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

1کُرِنتھِیوں 9:24

کیا تُساں نئیں جانڑدے جو مُقابلے ءچ بھجنڑ آلے تاں سبھ بھجدے ہِن پر اِنعام صرف ہِک کُوں مِلدے؟ تُساں وی اِینویں ای بھجو تاں جو اِنعام حاصل کرو۔

1کُرِنتھِیوں 9:26

اِیں واسطے مَیں وی اِینویں ای نئیں بلکہ مقصد سامنڑے رکھدے ہوئے بھجدا ہاں تے مُکے باز آلی کار لڑدا ہاں، ہوا کُوں مارݨ آلے آلی کار نئیں۔

2کُرِنتھِیوں 12:1

میڈا فخر کرݨ ضروری ہے۔ بھانویں اِیندا کوئی فائدہ نئیں، وَل وی مَیں خُداوند دی طرفوں مِلے ہوئے رویا تے مُکاشفیاں دا ذِکر کریساں۔

گلتِیوں 1:12

نہ او میکُوں کہیں بندے دی طرفوں مِلی تے نہ او میکُوں کہیں بندے سکھائی بلکہ او میکُوں یسُوع مسیح دی طرفوں مُکاشفے ءچ مِلی۔

گلتِیوں 1:16

تاں آپنڑے پوتر کُوں میڈے اُتے ظاہر کیتا تاں جو مَیں غیر قوماں کُوں اُوندی خوشخبری سُنڑاواں۔ اُوں ویلے مَیں خون تے گوشت کنُوں صلاح نہ گِھدی،

گلتِیوں 1:6

میں حیران ہاں جو تُساں اِتنی جلدی خُدا کنُوں مُنہ پِھریندے پئے ہیوے جئیں تُہاکُوں مسیح دے فضل نال سڈیا تے تُساں کہیں بئی خوشخبری دے پِچُھوں لگ گئے ہیوے۔

گلتِیوں 2:6

جماعت دے او لوک جیہڑے وڈے سمجھے ویندے ہَن (او کیجھے وی ہَن، میکُوں اِیندے نال کُجھ واسطہ نئیں کیوں جو خُدا کہیں بندے دا طرفدار نئیں،) اُنہاں میڈی تبلیغ ءچ کُجھ اضافہ نہ کیتا۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

گلتِیوں 5:7

تُساں چنگی طرحاں بھجدے پئے ہَوے۔ کئیں تُہاکُوں سچائی اُتے عمل کرݨ تُوں روک ڈِتے؟

فِلِپّیوں 2:16

تے زندگی دا کلام پیش کریندے ہیوے تاں جو مسیح دے واپس آوݨ دے ڈینہہ میکُوں فخر ہووے جو نہ تاں میڈی بھج دھروک بیکار گئی تے نہ محنت بے فائدہ تھئی۔

فِلِپّیوں 2:29

بس تُساں خُداوند ءچ وڈی خوشی نال اُوندا اِستقبال کرائے تے ایجھے لوکاں دی عزت کیتا کرو۔

1تھِسّلُنیکیوں 3:5

اِیں واسطے جڈاں مَیں مزید برداشت نہ کر سگیا تاں تُہاڈے اِیمان دا حال پتا کرݨ کیتے تِیمُتِھیُس کُوں بھیجیا، کِتھائیں اِینویں نہ تھیوے جو شیطان تُہاکُوں ازمایا ہووے تے ساڈی محنت بے فائدہ تھی گئی ہووے۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔