گلتِیوں 2:19 - کِتاب مُقدّس سرائیکی ترجمہ

¹⁹ کیوں جو شریعت دے وسیلے ای مَیں شریعت دے لحاظ نال مر گِیا، تاں جو خُدا کیتے زندہ راہواں۔

گلتِیوں 2:19 Iomraidhean Croise

رومیوں 4:15

کیوں جو شریعت غضب گِھن آندی ہے تے جِتھاں شریعت نئیں اُتھاں حُکم عدُولی وی نئیں۔

رومیوں 5:20

بعد ءچ شریعت آ گئی تاں جو گُناہ زیادہ تھی ونجے پر جِتھاں گُناہ زیادہ تھیّا اُتھاں فضل اُوں کنُوں وی زیادہ تھیّا۔

رومیوں 6:11

اِینویں ای تُساں وی آپنڑے آپ کُوں گُناہ دے لحاظ نال تاں مُردہ، پر خُدا دے جلال کیتے یسُوع مسیح ءچ زندہ سمجھو۔

رومیوں 6:14

کیوں جو تُساں شریعت دے ماتحت نئیں بلکہ فضل دے ماتحت ہیوے، اِیں واسطے گُناہ دا تُہاڈے اُتے اِختیار نہ ہوسی۔

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

رومیوں 7:14

اساں جانڑدے ہیں جو شریعت ہِک رُوحانی چیز ہے پر مَیں جِسمانی ہاں تے گُناہ دی غُلامی ءچ وِک گِیا ہاں۔

رومیوں 7:4

بِھراؤ! تُساں وی مسیح دے بدن دے وسیلے نال شریعت دے اعتبار نال مر گئے ہیوے تاں جو کہیں بئے دے تھی ونجو یعنی مسیح دے جیہڑا مُردیاں ءچوں زندہ کیتا گِیا تاں جو تُساں خُدا کیتے پھل گِھن آؤ۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

1کُرِنتھِیوں 10:31

بس تُساں بھانویں کھاؤ یا پِیو یا جیہڑا کُجھ کرو، سبھ خُدا دے جلال کیتے کرو۔

1کُرِنتھِیوں 9:20

یہُودیاں دے وچال مَیں آپنڑے آپ کُوں یہُودیاں آلی کار بنڑایا تاں جو یہُودیاں کُوں گِھن آواں۔ شریعت دے مننڑ آلیاں دے وچال شریعت دا مننڑ آلا بنڑیا تاں جو شریعت آلیاں کُوں گِھن آواں، بےشک مَیں آپ شریعت دا پابند نہ ہم۔

2کُرِنتھِیوں 5:15

تے او اِیں واسطے ساریاں دی خاطر مویا جو جیہڑے زندہ ہِن او اگُوں تے آپنڑے کیتے زندہ نہ راہوݨ بلکہ صرف اُوندے کیتے جیہڑا اُنہاں کیتے مویا تے ولا زندہ تھی گِیا۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

گلتِیوں 3:24

بس شریعت ساکُوں مسیح تئیں پُجنڑ کیتے ساڈی نگہبان ہئی تاں جو اساں اِیمان دے وسیلے نال راستباز کھڑائے ونجُوں۔

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

کلُسِّیوں 3:3

کیوں جو تُساں مر گئے تے تُہاڈی زندگی مسیح دے نال خُدا ءچ لُکی ہوئی ہے۔

1تھِسّلُنیکیوں 5:10

مسیح ساڈی خاطر اِیں واسطے جان ڈِتی جو اساں اُوندے نال زندہ راہوں، بھانویں اُوندی آمد دے ڈینہہ موئے ہوؤں یا زندہ،

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 پطرس 4:6

تے اُنہاں لوکاں کُوں جیہڑے ہُنڑ مر گئے ہِن، اِیں واسطے خوشخبری سُنڑائی گئی ہئی جو بیشک جِسمانی طور تے تاں اُنہاں دی عدالت اِنساناں دی طرحاں تھیوے، پر رُوحانی لحاظ نال زندہ راہوݨ جِینویں خُدا زندہ ہے۔