گلتِیوں 2:1 - کِتاب مُقدّس سرائیکی ترجمہ

¹ وَل چوڈھاں سال بعد مَیں برنباس نال ولا یروشلیم چلیا گِیا تے طِطُس کُوں وی نال گِھن گِیا۔

گلتِیوں 2:1 Iomraidhean Croise

اعمال 11:25

وَل برنباس ساؤل دی گولھ ءچ تَرسُس کُوں روانہ تھی گِیا۔

اعمال 11:30

بس اُنہاں اِینویں ای کیتا تے ساؤل تے برنباس دے ہتھیں آپنڑی مالی مدد بزُرگاں کُوں بھجوا ڈِتی۔

اعمال 12:25

تے برنباس تے ساؤل آپنڑی خدمت پُوری کر تے یُوحنّا کُوں جیہڑا مرقس اکھویندے، نال گِھن تے یروشلیم تُوں واپس آئے۔

اعمال 13:2

جِیں ویلے او خُداوند دی عبادت کریندے تے روزے رکھیندے پئے ہَن تاں رُوح القُدس آکھیا، ”میڈے کیتے برنباس تے ساؤل کُوں اُوں کم کیتے مخصوص کر ڈیؤ جیندے کیتے مَیں اُنہاں کُوں سڈیا ہے۔“

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 14:12

تے اُنہاں برنباس کُوں زِیُوس تے پولُس کُوں ہرمِیس آکھنڑ شروع کر ڈِتا، اِیں واسطے جو زیادہ تر گالھیں پولُس کریندا ہا۔

اعمال 15:25

اِیں واسطے اساں رَل تے مناسب جانڑیا جو کُجھ چُنڑے ہوئے بندیاں کُوں آپنڑے عزیزاں پولُس تے برنباس دے نال تُہاڈے کولھ بھیجُوں۔

1کُرِنتھِیوں 9:6

کیا صرف میڈے تے برنباس کیتے ضروری ہے جو خدمت کرݨ دے نال نال محنت کر تے آپنڑا گُزارا کرُوں ؟

2کُرِنتھِیوں 2:13

وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

2کُرِنتھِیوں 8:16

خُدا دا شُکر ہے جئیں تُہاڈے کیتے طِطُس دے دل ءچ ایجھا جوش پیدا کیتے جِینویں میڈا تُہاڈے کیتے ہے۔

2کُرِنتھِیوں 8:23

جے کوئی طِطُس دے بارے ءچ پُچھے تاں او میڈا ساتھی تے تُہاڈی مدد کرݨ کیتے میڈا نال خدمت کریندے۔ جے بئے بِھرانواں دے بارے ءچ سوال ہووے تاں او کلیسیاواں دے نمائندے تے مسیح دے جلال دا سبب ہِن۔

گلتِیوں 1:18

ترے سال بعد میں پطرس نال مُلاقات کرݨ کیتے یروشلیم گِیا تے پندھراں ڈینہہ تئیں اُوندے کولھ ریہا۔

گلتِیوں 2:13

وَل باقی مسیحی بِھرا جیہڑے پہلے یہُودی ہَن، منافقت ءچ پطرس نال رَل گئے، ایہ تئیں جو برنباس وی اُنہاں دی منافقت ءچ گُمراہ تھی گِیا۔

گلتِیوں 2:3

پر میڈے ساتھی طِطُس کُوں وی بھانویں او یُونانی ہا ختنہ کراوݨ اُتے مجبور نہ کیتا گِیا۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔