گلتِیوں 1:7 - کِتاب مُقدّس سرائیکی ترجمہ

⁷ کوئی ڈُوجھا ہے ای کائنا۔ ہا، کُجھ لوک تُہاکُوں پریشان کریندے پئے ہِن جیہڑے مسیح دی خوشخبری کُوں تروڑ مروڑ تے پیش کرݨ چاہندے ہِن۔

گلتِیوں 1:7 Iomraidhean Croise

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

اعمال 13:10

تے آکھیا جو ”ابلیس دے پوتر! تُوں جیہڑا ہر قِسم دی مکاری تے شرارت نال بھریا ہویا تے ہر طرحاں دی نیکی دا دُشمنڑ ہیں، کیا تُوں خُداوند دے سِدھے رستیاں کُوں وِگاڑن تُوں باز نہ آسیں؟

اعمال 15:24

کیوں جو اساں سُنڑیا ہے جو ساڈے ءچوں کُجھ لوکاں جِنہاں کُوں اساں حُکم نہ ڈِتا ہا تُہاکُوں آپنڑے گالھیں نال پریشان کر ڈِتے۔

اعمال 20:30

بلکہ تُہاڈے ءچوں ای ایجھے لوک اُٹھسن جیہڑے حق کُوں تروڑ مروڑ تے پیش کریسن تاں جو شاگرداں کُوں آپنڑے پاسے چھیک گِھننڑ۔

2کُرِنتھِیوں 11:13

کیوں جو ایجھے لوک کُوڑے رسُول تے دوکھے بازی نال کم کرݨ آلے ہِن تے آپنڑے آپ کُوں مسیح دے رسُولاں دے ہم شکل بنڑا گِھندے ہِن۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

گلتِیوں 1:6

میں حیران ہاں جو تُساں اِتنی جلدی خُدا کنُوں مُنہ پِھریندے پئے ہیوے جئیں تُہاکُوں مسیح دے فضل نال سڈیا تے تُساں کہیں بئی خوشخبری دے پِچُھوں لگ گئے ہیوے۔

گلتِیوں 2:4

ایہ مسئلہ اُنہاں کُوڑے مسیحی بِھرانواں دی طرفوں بنڑیا، جیہڑے چُپ چپیتے ساڈے وچال وڑ آئے ہَن تاں جو جاسُوسی کر تے اُوں ازادی کُوں جاݨ سگنڑ جیہڑی مسیح یسُوع ءچ ساکُوں حاصل تھئی ہئی تے ساکُوں ولا غُلامی ءچ گِھن آوݨ۔

گلتِیوں 4:17

او لوک تُہاکُوں آپنڑا دوست بنڑاوݨ دی کوشش تاں کریندے ہِن پر اُنہاں دی نیّت صاف کائنی۔ او تُہاکُوں میڈے تُوں اَنج کراوݨ چاہندے ہِن تاں جو تُساں اُنہاں دے ای بنڑے راہو۔

گلتِیوں 5:10

میکُوں خُداوند یسُوع ءچ تُہاڈے اُتے بھروسہ ہے جو تُساں کوئی بئی سوچ نہ رکھیسو پر جیہڑا بندہ تُہاڈے ءچ پریشانی پیدا کریندے بھانویں جیہڑا وی ہووے، اُونکُوں سزا مِلسی۔

گلتِیوں 5:12

جے تُہاکُوں پریشان کرݨ آلے نہ صرف آپنڑا ختنہ کرویندے بلکہ آپنڑے آپ کُوں خوجے بنڑا گِھندے تاں چنگا ہوندا۔

گلتِیوں 6:17

میڈے بدن اُتے زخماں دے داغ ایہ ظاہر کریندے ہِن جو مَیں یسُوع دا بندہ ہاں، اِیں واسطے کوئی میکُوں اگُوں تُوں تکلیف نہ ڈیوے۔

2 تِیمُتھِیُس 2:18

او سچائی کنُوں گُمراہ تھی تے ایہ آدھے ہِن جو قیامت تھی گئی ہے، تے اِینویں او کُجھ لوکاں دا اِیمان خراب کریندے پئے ہِن۔

1 یُوحنّا 2:26

مَیں ایہ گالھ اُنہاں دے بارے ءچ لِکھی ہے جیہڑے تُہاکُوں گُمراہ کرݨ دی کوشش کریندے ہِن۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

2 یُوحنّا 1:10

جے کوئی تُہاڈے کولھ آوے پر ایہ تعلیم نہ ڈیوے تاں اُونکُوں آپنڑے گھر ءچ داخل نہ تھیوݨ ڈیؤ بلکہ سلام وی نہ کرو۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

مُکاشفہ 13:14

اُنہاں کرِشمیاں دے ذریعے جیہڑے اُونکُوں اُوں پہلے حیوان دی خاطر ڈِکھاوݨ دا اِختیار ڈِتا گِیا ہا، او زمین آلیاں کُوں گُمراہ کریندا ہا۔ تے اُنہاں کُوں حُکم ڈیندا ہا جو اُوں حیوان دا بُت بنڑاؤ جِینکُوں تلوار نال ہلاک کرݨ آلا زخم لگیا ہا پر وَل وی او زندہ ہے۔

مُکاشفہ 19:20

پر اُوں حیوان کُوں گرفتار کر گِھدا گِیا تے اُوندے نال اُوں کُوڑے نبی کُوں وی جئیں اُوندی خاطر معجزانہ نشان ڈِکھائے ہَن۔ اُنہاں معجزیاں دے ذریعے اُوں اُنہاں لوکاں کُوں جِنہاں حیوان دا نشان لوایا ہا تے اُوندے بُت دی عبادت کیتی ہئی، گُمراہ کیتا ہا۔ او ڈوہائیں گندھک نال بلدی ہوئی بھاہ دی جھیل ءچ زندہ سَٹ ڈِتے گئے۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔

مُکاشفہ 2:6

پر ایہ گالھ تیڈے حق ءچ ہے جو تُوں نِیکُلیاں دے کماں تُوں نفرت کریندیں جِنہاں تُوں مَیں وی نفرت کریندا ہاں۔

مُکاشفہ 20:3

تے بے تَل کھڈے ءچ سَٹ ڈِتا تے کھڈے کُوں بند کر تے اُوندے اُتے مُہر لا ڈِتی تاں جو اژدہا قوماں کُوں گُمراہ نہ کر سگے جِیں ویلے تئیں ہِک ہزار سال پُورے نہ تھی ونجنڑ۔ اِیندے بعد ضرور ہے جو اُونکُوں کُجھ عرصے کیتے کھولیا ونجے۔