گلتِیوں 1:24 - کِتاب مُقدّس سرائیکی ترجمہ

²⁴ تے او میڈے سببّوں خُدا دی تمجید کریندیاں ہَن۔

گلتِیوں 1:24 Iomraidhean Croise

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

مرقس 2:12

او اُٹھیا تے فوراً کَھٹ چا تے اُنہاں ساریاں دے سامنڑے لگا گِیا۔ او سارے حیران تھی گئے تے خُدا دی حمد کر تے آکھنڑ لگے، ”اساں اِینویں پہلے کڈھائیں نئیں ڈِٹھا۔“

لُوقا 15:10

مَیں تُہاکُوں آدھا ہاں جو اِینویں ای ہِک گُنہگار دے توبہ کرݨ نال خُدا دے فرشتیاں دے سامنڑے خوشی منائی ویندی ہے۔“

لُوقا 15:32

پر خوشی مناوݨ تے شادمان تھیوݨ لازم ہا کیوں جو تیڈا ایہ بِھرا مر گِیا ہا، ہُنڑ زندہ تھئے، گُم تھی گِیا ہا، ہُنڑ مِل گئے‘۔“

لُوقا 2:14

”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

اعمال 11:18

جِیں ویلے اُنہاں ایہ سُنڑیا تاں چُپ تھی گئے تے خُدا دی حمد کر تے آکھنڑ لگے جو ”وَل تاں خُدا غیر قوماں کُوں وی زندگی حاصل کرݨ کیتے توبہ کرݨ دی توفیق ڈِتی ہے۔“

2کُرِنتھِیوں 9:13

تُہاڈی اِیں خدمت دا ثبوت ڈیکھ تے او خُدا دی تعریف کریسن جو تُساں مسیح دی خوشخبری دا اِقرار کر تے اُوندے اُتے عمل وی کریندے ہیوے تے اُنہاں دی، تے سبھ لوکاں دی مدد کرݨ ءچ بہُوں فیاضی کریندے ہیوے۔

2تھِسّلُنیکیوں 1:10

ایہ اُوں ڈینہہ تھیسی جڈاں یسُوع آ تے آپنڑے مُقدّس لوکاں ءچ جلال پیسی تے سبھ اِیماندار اُوندی شان ڈیکھ تے حیران تھیسن تے اُوندی تعریف کریسن۔ اُنہاں ءچ تُساں وی شامل ہوسو کیوں جو تُساں ساڈی گواہی اُتے اِیمان گِھن آئے ہَوے۔

2تھِسّلُنیکیوں 1:12

تاں جو ساڈے خُداوند یسُوع مسیح دا ناں تُہاڈی وجہ کنُوں عزت پاوے تے تُساں وی اُوندے وسیلے عزت پاؤ۔ ایہ ساڈے خُدا تے خُداوند یسُوع مسیح دے فضل نال تھیسی۔