اِفِسیوں 6:9 - کِتاب مُقدّس سرائیکی ترجمہ

⁹ مالکو! تُساں وی آپنڑے نوکراں نال ایجھا ای سلوک کرو۔ اُنہاں کُوں دھمکیاں نہ ڈیؤ کیوں جو تُساں جانڑدے ہیوے جو اُنہاں دا تے تُہاڈا ڈُوہائیں دا مالک اسمان اُتے ہے تے او کہیں دا طرفدار نئیں۔

اِفِسیوں 6:9 Iomraidhean Croise

متّی 22:10

نوکر گئے تے جِتّی چنگے مندے اُنہاں کُوں مِلے ساریاں کُوں جمع کر تے گِھن آئے تے شادی آلا گھر مہماناں نال بھریج گِیا۔

متّی 22:8

وَل اُوں آپنڑے نوکراں کُوں آکھیا، ’شادی دی ضیافت تاں تیار ہے پر جیہڑے سڈے گئے ہَن لائق نہ ہَن۔

متّی 24:48

پر جے او نوکر بُرا ہووے تے آپنڑے دل ءچ آکھے جو ’میڈے مالک کُوں آوݨ ءچ اجنڑ تاں دیر ہے،‘

متّی 24:51

تے خُوب کوڑے مروا تے اُونکُوں منافقاں ءچ شامل کر ڈیسی جِتھاں رووݨ تے ڈنداں دا پِیہوݨ ہوسی۔“

متّی 7:12

بس جِینویں تُساں چاہندے ہیوے جو لوک تُہاڈے نال کرݨ تُساں وی اُنہاں نال اُونویں ای کرو، کیوں جو توریت تے نبیاں دی تعلیم اِیہو ہے۔

لُوقا 6:31

تے جِینویں تُساں چاہندے ہیوے جو لوک تُہاڈے نال کرݨ، تُساں وی اُنہاں نال اُونویں ای کرو۔

یُوحنّا 13:13

تُساں میکُوں اُستاد تے مالک آدھے ہیوے تے تُہاڈا آکھنڑ ٹھیک ہے کیوں جو مَیں ہاں۔

اعمال 10:34

وَل پطرس آکھنڑ لگا، ”مَیں چنگی طرحاں جاݨ گِیا ہاں جو خُدا کہیں دا طرفدار نئیں

رومیوں 2:11

کیوں جو خُدا کہیں دی طرفداری نئیں کریندا۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

1کُرِنتھِیوں 7:22

کیوں جو جیہڑا غُلامی دی حالت ءچ خُداوند ءچ سڈیا گئے او خُداوند دا ازاد کیتا ہویا ہے۔ اِینویں ای جیہڑا ازادی دی حالت ءچ سڈیا گئے او مسیح دا غُلام ہے۔

کلُسِّیوں 3:25

پر بُرائی کرݨ آلا آپنڑی بُرائی دا بدلہ پے سی کیوں جو خُدا کہیں دی طرفداری نئیں کریندا۔

کلُسِّیوں 4:1

مالکو! آپنڑے نوکراں نال عدل تے اِنصاف نال پیش آؤ کیوں جو تُساں جانڑدے ہیوے جو اسمان اُتے تُہاڈا وی ہِک مالک ہے۔

یعقُوب 2:13

کیوں جو جئیں رحم نئیں کیتا، اُوندا اِنصاف بغیر رحم دے کیتی ویسی پر رحم اِنصاف اُتے غالب آندے۔

یعقُوب 2:8

پر جے تُساں خُدا دے کلام دے اِیں شاہی فرمان اُتے جو ”آپنڑے ہمسائے نال آپنڑے وانگُوں محبت رکھ“ عمل کریندے ہیوے تاں چنگا کریندے ہیوے۔

یعقُوب 5:4

ڈیکھو! جیہڑی مزدُوری تُساں آپنڑے کھیتاں ءچ کم کرݨ آلیاں کُوں نئیں ڈِتی، او تُہاڈے خلاف چیخدی پئی ہے تے فصل کپنڑ آلیاں دی فریاد لشکراں دے رب دے کَناں تئیں پُج گئی ہے۔