اِفِسیوں 6:5 - کِتاب مُقدّس سرائیکی ترجمہ

⁵ نوکرو! ڈردے تے کمبدے ہوئے صاف دِلی نال آپنڑے دُنیاوی مالکاں دی فرمانبرداری کرو جِینویں مسیح دی کریندے ہیوے۔

اِفِسیوں 6:5 Iomraidhean Croise

متّی 6:22

بدن دا چراغ اکھ ہے۔ بس جے تیڈی اکھ ٹھیک ہے تاں تیڈا سارا بدن روشن ہوسی۔

متّی 6:24

کوئی بندہ ڈُو مالکاں دی خدمت نئیں کر سگدا، کیوں جو یا او ہِک کنُوں نفرت کریسی تے ڈُوجھے نال محبت، یا ہِک نال وفا کریسی تے ڈُوجھے کُوں حقیر جانڑسی۔ تُساں خُدا تے دولت ڈوہائیں دی خدمت نئیں کر سگدے۔

متّی 8:9

کیوں جو مَیں خود وی کہیں بئے دے اِختیار ءچ ہاں تے سپاہی میڈے ماتحت ہِن، تے جیہڑے ویلے مَیں ہِک کُوں آدھا ہاں جو ’وَنج‘ تاں او ویندے، تے ڈُوجھے کُوں جو ’آ‘ تاں او آندے تے آپنڑے نوکر کُوں جو ’ایہ کر‘ تاں او کریندے۔“

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

رومیوں 9:3

کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔

1کُرِنتھِیوں 2:3

مَیں کمزوری تے ڈر دی حالت ءچ کمبدا ہویا تُہاڈے کولھ آیا۔

1کُرِنتھِیوں 7:22

کیوں جو جیہڑا غُلامی دی حالت ءچ خُداوند ءچ سڈیا گئے او خُداوند دا ازاد کیتا ہویا ہے۔ اِینویں ای جیہڑا ازادی دی حالت ءچ سڈیا گئے او مسیح دا غُلام ہے۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2کُرِنتھِیوں 7:15

جِیں ویلے اُونکُوں یاد آندے جو تُساں کِتنے فرمانبردار ہَوے تے کِینویں ڈردے تے کمبدے ہوئے اُوندا اِستقبال کیتا، تاں اُوندی محبت تُہاڈے نال بئی وی زیادہ تھی ویندی ہے۔

اِفِسیوں 5:22

ذالو! آپنڑے پایاں دے تابع راہو جِینویں خُداوند دے تابع ہیوے۔

اِفِسیوں 6:24

جیہڑے ساڈے خُداوند یسُوع مسیح دے نال ختم نہ تھیوݨ آلی محبت رکھیندے ہِن، اُنہاں ساریاں اُتے فضل تھیندا راہوے۔

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

فِلیمون 1:16

پر ہُنڑ ہِک غُلام وانگُوں نئیں بلکہ غُلام کنُوں ودھ تے یعنی ہِک بِھرا وانگُوں۔ او میکُوں عزیز ہے پر مَیں کنُوں ودھ تے تیکُوں عزیز ہے نہ صرف اِنسانی طور تے بلکہ خُداوند دے بندہ دی حیثیت نال وی۔

1 پطرس 3:2

جڈاں او آپنڑی ذال دا پاک چال چلنڑ تے اُوندے ءچ خُدا دا خوف ڈیکھسن۔