اِفِسیوں 6:24 - کِتاب مُقدّس سرائیکی ترجمہ

²⁴ جیہڑے ساڈے خُداوند یسُوع مسیح دے نال ختم نہ تھیوݨ آلی محبت رکھیندے ہِن، اُنہاں ساریاں اُتے فضل تھیندا راہوے۔

اِفِسیوں 6:24 Iomraidhean Croise

متّی 22:37

اُوں اُونکُوں آکھیا، ”رب العالمین آپنڑے خُدا نال آپنڑے سارے دل تے آپنڑی ساری جان تے آپنڑی ساری عقل نال محبت رکھ۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

2کُرِنتھِیوں 13:14

خُداوند یسُوع مسیح دا فضل، خُدا دی محبت تے رُوح القُدس دی شراکت تُساں ساریاں نال تھیندی راہوے۔

2کُرِنتھِیوں 8:12

کیوں جو جے ڈیوݨ دی نیّت ہووے تاں خُدا خیرات اُوندے مطابق قبول کریندے جیہڑی ڈیوݨ آلے دے کولھ ہے، نہ جو اُوندے مطابق جیہڑی اُوندے کولھ نئیں۔

2کُرِنتھِیوں 8:8

مَیں تُہاکُوں اِینویں کرݨ دا حُکم نئیں ڈیندا پِیا بلکہ ڈُوجھیاں دے جوش دے مُقابلہ ءچ تُہاڈی محبت دی سچائی کُوں ازمیندا پِیا ہاں۔

اِفِسیوں 6:23

خُدا باپ تے خُداوند یسُوع مسیح دی طرفوں تُساں بِھرانواں کُوں اِیمان دے نال اِطمینان تے محبت حاصل تھیوے

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

کلُسِّیوں 4:18

مَیں پولُس آپنڑے ہتھ نال تُہاکُوں سلام لِکھدا پِیا ہاں۔ میڈے زنجیراں کُوں یاد رکھائے۔ خُدا دا فضل تُہاڈے نال راہوے۔

2 تِیمُتھِیُس 4:22

خُداوند تیڈی رُوح نال راہوے۔ خُدا دا فضل تیڈے اُتے تھیندا راہوے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

طِطُس 3:15

میڈے سبھ ساتھی تیکُوں سلام آدھے ہِن۔ جیہڑے اِیمان ءچ ساکُوں عزیز رکھیندے ہِن، اُنہاں کُوں ساڈا سلام آکھ۔ خُدا دا فضل تُساں ساریاں نال راہوے۔

عبرانیوں 13:25

تُساں ساریاں اُتے فضل تھیندا راہوے۔