اِفِسیوں 5:4 - کِتاب مُقدّس سرائیکی ترجمہ

⁴ تے نہ ای شرم آلے گالھیں، بَک بَک یا گندے گالھیں ہووݨ، کیوں جو ایہ مناسب نئیں بلکہ تُہاڈی زبان اُتے شُکرگزاری ہووے۔

اِفِسیوں 5:4 Iomraidhean Croise

مرقس 7:22

زِنا کاریاں، لالچ، بدکاری، مکر، شہوت پرستی، بدنظری، بدگوئی، شیخی تے حماقت نِکلدے ہِن۔

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

2کُرِنتھِیوں 1:11

تُساں وی دُعا دے ذریعے ساڈی مدد کرو تاں جو او فضل جیہڑا بہُوں سارے لوکاں دی دُعا دے وسیلے ساڈے اُتے تھیّا ہے، اُوندے کیتے بہُوں سارے لوک ساڈے بارے ءچ خُدا دا شُکر کرݨ۔

2کُرِنتھِیوں 9:15

خُدا دا شُکر اُوندی اُوں بخشش کیتے جِیندا بیان لفظاں ءچ ممکن نئیں۔

اِفِسیوں 1:16

تُہاڈے کیتے خُدا دا شُکر کرݨ کنُوں باز نئیں آندا تے آپنڑیاں دُعاواں ءچ تُہاکُوں یاد کریندا ہاں۔

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

فِلِپّیوں 4:6

کہیں گالھ دی فِکر نہ کرو، بلکہ ہر حالت ءچ دُعا تے مِنت دے ذریعے تُہاڈیاں درخاستاں خُدا دے سامنڑے شُکرگزاری نال پیش کیتیاں ونجنڑ۔

کلُسِّیوں 3:8

پر ہُنڑ تُساں اِنہاں ساریاں کُوں چھوڑ ڈیؤ یعنی کاوڑ، ناراضگی، بُغض، بدگوئی، تے آپنڑے مُنہ کنُوں مندھے کڈھنڑ۔

1تھِسّلُنیکیوں 3:9

جیہڑی خوشی تُہاڈی وجہ تُوں ساکُوں خُدا دے حضُور حاصل تھئی ہے، اُوندے بدلے ءچ اساں خُدا دا جِتنا وی شُکر ادا کرُوں گھٹ ہوسی۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

فِلیمون 1:8

اِیں واسطے، بھانویں جو مسیح دا بندہ ہوندے ہوئے میکُوں ایجھی دلیری تاں ہے جو تیکُوں او کم کرݨ دا حُکم ڈیواں جیہڑا تیکُوں کرݨ چاہیدے۔

عبرانیوں 13:15

اِیں واسطے اساں یسُوع دے وسیلے نال آپنڑی حمد دی قُربانی خُدا دے حضُور پیش کریندے راہوں یعنی خُدا دے ناں دا اِقرار کریندے راہوں۔ ایہ ساڈے ہونٹاں دا مناسب پھل ہے۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

2 پطرس 2:7

پر راستباز لُوط کُوں بچایا جیہڑا بدکاراں دے گندے چال چلنڑ تُوں تنگ ہا۔

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

یہُوداہ 1:13

ایہ سمندر دیاں بے قابو چھلاں ہِن جیہڑیاں آپنڑی بے شرمی دی جَھگ مریندیاں ہِن۔ ایہ او اوارہ تارے ہِن جِنہاں کیتے اندھاری جاہ ہمیشاں کیتے مقرر کر ڈِتی گئی ہے۔