اِفِسیوں 5:3 - کِتاب مُقدّس سرائیکی ترجمہ

³ تُہاڈے ءچ حرام کاری یا کہیں قِسم دی ناپاکی یا لالچ دا ناں تئیں نہ گِھدا ونجے کیوں جو ایہ مُقدّساں کیتے مناسب نئیں۔

اِفِسیوں 5:3 Iomraidhean Croise

متّی 15:19

کیوں جو بُرے خیال، قتل، زِنا کاریاں، حرامکاریاں، چوریاں، کُوڑے گواہیاں، بدگوئیاں دل کنُوں ای نِکلدیاں ہِن۔

لُوقا 12:15

تے اُوں اُنہاں کُوں آکھیا، ”خبردار! آپنڑے آپ کُوں ہر قِسم دے لالچ کنُوں بچائی رکھو، کیوں جو کہیں اِنسان دی زندگی دا بھروسہ اُوندے مال دولت دی کثرت اُتے نئیں۔“

لُوقا 16:14

فریسی جیہڑے پیسے نال پیار کریندے ہَن، اِنہاں سبھ گالھیں کُوں سُنڑ تے اُوندا مذاق اُڈاوݨ لگے۔

اعمال 15:20

پر اُنہاں کُوں خط لِکھ تے ایہ ڈساؤں جو او بُتاں کُوں نذر کیتیاں ہوئیاں چیزاں تے حرام کاری تے گَل گُھٹ تے مارے ہوئے جانوراں تے خون کنُوں پرہیز کرݨ۔

اعمال 20:33

مَیں کہیں دے سونے، چاندی یا کپڑے دا لالچ نئیں کیتا۔

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،

رومیوں 16:2

جو جِینویں مُقدّساں کُوں چاہیدے تُساں اُونکُوں خُداوند ءچ خوشی نال قبول کرو۔ جِیں کم ءچ اُونکُوں تُہاڈی مدد دی لوڑ ہووے، اُوندی مدد کرو کیوں جو او وی بہُوں ساریاں دی مددگار ریہی ہے بلکہ میڈی وی۔

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

1کُرِنتھِیوں 10:8

اساں حرام کاری نہ کرُوں جِینویں اُنہاں لوکاں ءچوں کُجھ لوکاں کیتی تے ہِکو ڈینہہ ءچ تریوِیہہ ہزار مارے گئے۔

1کُرِنتھِیوں 5:1

مَیں سُنڑیا ہے جو تُہاڈی جماعت ءچ ایجھی حرامکاری تھیندی پئی ہے جیہڑی غیر قوماں ءچ وی نئیں تھیندی، یعنی ہِک بندہ ایجھا ہے جیہڑا آپنڑی مَترئی ماء نال گُناہ کریندا ہے۔

1کُرِنتھِیوں 6:13

بےشک ”کھانڑا پیٹ کیتے تے پیٹ کھانڑے کیتے ہے تے خُدا اِنہاں ڈُوہائیں کُوں ختم کر ڈیسی۔“ پر بدن حرام کاری کیتے نئیں بلکہ خُداوند کیتے ہے تے اُوہو اُوندا مالک ہے۔

1کُرِنتھِیوں 6:18

حرام کاری کنُوں بھجو۔ اِنسان دے ڈُوجھے سارے گُناہ بدن نال تعلق نئیں رکھیندے پر حرام کار آپنڑے بدن دا وی گُنہگار ہے۔

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

اِفِسیوں 5:12

کیوں جو لوکاں دے لُک چُھپ تے کیتے ہوئے کماں دا ذِکر کرݨ وی شرم دی گالھ ہے۔

اِفِسیوں 5:5

کیوں جو تُساں ایہ جانڑدے ہیوے جو کہیں حرامکار، ناپاک یا لالچی بندے دی مسیح تے خُدا دی بادشاہی ءچ کوئی میراث نئیں بلکہ لالچی بندہ بُت پرست دے برابر ہے۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

1تھِسّلُنیکیوں 4:3

خُدا دی مرضی ایہ ہے جو تُساں پاک راہو تے زِناکاری کنُوں بچے راہو۔

1تھِسّلُنیکیوں 4:7

کیوں جو خُدا ساکُوں ناپاکی کیتے نئیں بلکہ پاکیزگی کیتے سڈیا ہے۔

1 تِیمُتھِیُس 2:10

بلکہ آپنڑے آپ کُوں نیک کماں نال سنوارݨ جِینویں خُدا پرستی دا دعویٰ کرݨ آلیاں عورتاں کُوں مناسب ہے۔

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

2 تِیمُتھِیُس 3:2

لوک خود غرض، پیسیاں دے لالچی، شیخی مارݨ آلے، تکبر کرݨ آلے، چُغلی کرݨ آلے، ماء پِیُو دے نا فرمان، نا شُکرے، ناپاک،

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

طِطُس 2:3

اِینویں ای بزُرگ عورتاں کُوں سِکھا جو او خُدا پرست زندگی گُزارݨ۔ او تُہمت لاوݨ آلیاں تے شرابی نہ ہووݨ بلکہ نیک گالھیں سِکھاوݨ آلیاں ہووݨ،

عبرانیوں 12:16

خبردار، نہ کوئی زِناکار ہووے یا نہ عیسو وانگُوں بے دین، جئیں ہِک وقت دے کھانڑے کیتے آپنڑے پلیٹھی دے حق کُوں ویچ ڈِتا۔

1 پطرس 5:2

تُساں خُدا دے اِجڑ دی نگہبانی کرو، جیہڑا تُہاڈے سپُرد کیتا گئے۔ ایہ خدمت مجبوری نال نئیں بلکہ خُدا دی مرضی دے مطابق خوشی نال، مال دولت دے لالچ کیتے نئیں بلکہ دِلی شوق نال کرو۔

2 پطرس 2:10

خاص کر اُنہاں کُوں جیہڑے آپنڑے جِسم دیاں گندیاں خواہشاں دی پیروی کریندے ہِن تے اِختیار کُوں حقیر سمجھدے ہِن۔ ایہ لوک گُستاخ تے مغرُور ہِن تے جلالی ہستیاں دی توہین کرݨ تُوں نئیں ڈردے۔

2 پطرس 2:14

اُنہاں دے اکھیں ہر ویلے زِناکار عورتاں دی گولھ ءچ راہندیاں ہِن، تے گُناہ کرݨ تُوں کڈھائیں باز نئیں آندیاں۔ او کمزور لوکاں کُوں غلط کم کرݨ کیتے ورغلیندے ہِن تے لالچ کرݨ ءچ ماہر ہِن۔ او لعنتی ہِن۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

مُکاشفہ 2:14

پر میکُوں تیڈے تُوں کُجھ گالھیں دی شکایت ہے جو تیڈے ءچوں کُجھ لوک بلعام دی تعلیم دی پیروی کریندے ہِن، جئیں بلق کُوں سِکھایا جو بنی اِسرائیل کُوں کِینویں گُمراہ کرے تے نتیجے ءچ اُنہاں بُتاں کُوں نذر کیتیاں گئیاں قُربانیاں دا گوشت کھادا تے حرام کاری کیتی۔

مُکاشفہ 2:21

مَیں اُونکُوں مُہلت ڈِتی ہے جو او آپنڑی بدکرداری تُوں توبہ کرے پر او توبہ کرݨ نئیں چاہندی۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

مُکاشفہ 9:21

تے اُنہاں قتل، جادُوگری، حرام کاری تے چوری کرݨ تُوں توبہ نہ کیتی۔