اِفِسیوں 5:27 - کِتاب مُقدّس سرائیکی ترجمہ

²⁷ تے ایجھی جلال آلی کلیسیا بنڑا تے آپنڑے کولھ حاضر کرے جیندے ءچ کوئی داغ یا جُھری یا کوئی بِیا نُقص نہ ہووے بلکہ او پاک تے بے اِلزام ہووے۔

اِفِسیوں 5:27 Iomraidhean Croise

2کُرِنتھِیوں 11:2

میڈے دل ءچ تُہاڈے کیتے خُدا وانگُوں غیرت ہے کیوں جو مَیں تُہاڈا رشتہ ہِکو پئے یعنی مسیح نال طے کیتے تاں جو تُہاکُوں ہِک پاک دامن کُنواری وانگُوں اُوندے کولھ پیش کراں۔

2کُرِنتھِیوں 4:14

کیوں جو اساں جانڑدے ہیں جو خُداوند یسُوع کُوں مُردیاں ءچوں زندہ کرݨ آلا ساکُوں وی یسُوع دے وسیلے زندہ کریسی تے تُہاڈے نال آپنڑے سامنڑے حاضر کریسی۔

اِفِسیوں 1:4

اُوں دُنیا بنڑاوݨ کنُوں پہلے ای ساکُوں مسیح ءچ چُنڑ گِھدا تاں جو اساں اُوندے حضُور پاک تے بے عیب تھیؤں۔ محبت ءچ

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

کلُسِّیوں 1:28

اساں مسیح دی تبلیغ کریندے ہیں تے کمال دانائی نال سارے لوکاں کُوں نصیحت کریندے تے تعلیم ڈیندے ہیں، تاں جو اساں ہر بندے کُوں مسیح ءچ رُوحانی طور تے بالغ بنڑا تے پیش کر سگوں۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

1 پطرس 1:19

بلکہ ہِک بے عیب تے بے داغ لیلے یعنی مسیح دے قیمتی خون نال۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

یہُوداہ 1:21

آپنڑے آپ کُوں خُدا دی محبت ءچ قائم رکھو تے خُداوند یسُوع مسیح دی رحمت دے منتظر راہو جِیندا نتیجہ ابدی زندگی ہے۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

مُکاشفہ 14:4

ایہ او لوک ہِن جِنہاں آپنڑے آپ کُوں عورتاں نال ناپاک نئیں کیتا بلکہ کنوارے ہِن۔ ایہ او ہِن جیہڑے لیلے دے پِچُھوں پِچُھوں ٹُردے ہِن، جِتھاں وی او ویندے۔ او آدمیاں ءچوں مُل گِھدے گئے ہِن تاں جو او خُدا تے لیلے کیتے فصل دا پہلے پھل ہووݨ۔