اِفِسیوں 5:25 - کِتاب مُقدّس سرائیکی ترجمہ

²⁵ پایو! آپنڑیاں ذالاں نال اُونویں ای محبت رکھو جِینویں مسیح کلیسیا نال رکھی تے اُوندے کیتے آپنڑی جان ڈے ڈِتی،

اِفِسیوں 5:25 Iomraidhean Croise

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

یُوحنّا 6:51

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

گلتِیوں 1:4

یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

اِفِسیوں 5:24

اِیں واسطے جِینویں کلیسیا مسیح دے تابع ہے اُونویں ای ذالاں وی ہر گالھ ءچ آپنڑے پایاں دے تابع راہوݨ۔

اِفِسیوں 5:28

اِینویں ای پایاں کُوں چاہیدے جو او آپنڑیاں ذالاں نال آپنڑے بدن وانگُوں محبت رکھنڑ۔ جیہڑا آپنڑی ذال نال محبت رکھیندے، او آپنڑے آپ نال محبت رکھیندے۔

اِفِسیوں 5:33

بہرحال تُہاڈے ءچوں ہر پئے کُوں چاہیدے جو او آپنڑی ذال نال آپنڑے وانگُوں محبت رکھے تے ذال کُوں وی چاہیدے جو او آپنڑے پئے دی عزت کرے۔

کلُسِّیوں 3:19

پایو، آپنڑیاں ذالاں نال محبت رکھو تے اُنہاں نال سختی نال پیش نہ آؤ۔

1 تِیمُتھِیُس 2:6

جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا۔ اِینویں اُوں مقرر وقت اُتے اِیں گالھ دی گواہی ڈِتی۔

1 پطرس 3:7

پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔