اِفِسیوں 5:10 - کِتاب مُقدّس سرائیکی ترجمہ

¹⁰ تے تجربے نال معلوم کریندے راہو جو خُداوند کُوں کیا پسند ہے۔

اِفِسیوں 5:10 Iomraidhean Croise

رومیوں 14:18

جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

فِلِپّیوں 4:18

میڈے کولھ سبھ کُجھ ہے بلکہ ضرورت تُوں زیادہ ہے۔ تُہاڈیاں بھیجیاں ہوئیاں شیواں اِپفُردِتُس دے ہتُھوں گِھن تے میڈے کولھ بہُوں کُجھ تھی گئے۔ ایہ ہِک ایجھی خوشبودار تے مقبول قُربانی ہے جیہڑی خُدا کُوں پسند ہے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

1تھِسّلُنیکیوں 5:21

بلکہ ہر گالھ کُوں ازماؤ۔ جیہڑی چنگی ہووے اُونکُوں پکڑی راہو۔

1 تِیمُتھِیُس 2:3

ایجھی دُعا کرݨ چنگی گالھ ہے تے ساڈے نجات ڈیوݨ آلے خُدا کُوں پسند ہے۔

1 تِیمُتھِیُس 5:4

جے کہیں بیوہ دے پوتر یا پوترے ہووݨ تاں او پہلے آپنڑے خاندان کُوں سنبھال تے ماء پِیُو دا حق ادا کرݨ سِکھنڑ، کیوں جو ایہ خُدا کُوں پسند ہے۔

عبرانیوں 12:28

اِیں واسطے جڈاں ساکُوں ایجھی بادشاہی مِلدی پئی ہے، جیہڑی ہلائی نئیں وَنج سگدی، تاں آؤ اساں شُکر کرُوں تے خوف تے احترام نال خُدا دی ایجھی عبادت کرُوں جیہڑی اُونکُوں پسند ہے۔

1 پطرس 2:20

جے تُساں گُناہ کر تے چاٹاں کھاندے تے صبر کریندے ہیوے تاں ایہ کیہڑی فخر دی گالھ ہے؟ پر جے نیکی کرݨ دے باعث ڈُکھ چیندے تے صبر نال کم گِھندے ہیوے تاں ایہ گالھ خُدا دے نزدیک قابلِ تعریف ہے۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔