اِفِسیوں 4:5 - کِتاب مُقدّس سرائیکی ترجمہ

⁵ تے ہِک ای خُداوند ہے، ہِک ای اِیمان تے ہِک ای بپتسمہ ہے،

اِفِسیوں 4:5 Iomraidhean Croise

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

رومیوں 3:30

کیوں جو ہِک ای خُدا ہے جیہڑا ختنہ تھئے ہوئیاں تے ختنہ نہ تھئے ہوئے لوکاں، ڈُوہائیں کُوں اُنہاں دے اِیمان دے وسیلے نال راستباز کھڑیسی۔

1کُرِنتھِیوں 1:13

کیا مسیح ونڈیج گِیا؟ کیا پولُس تُہاڈے کیتے صلیب اُتے چڑھایا گِیا؟ کیا تُساں پولُس دے ناں اُتے بپتسمہ گِھدا ہا؟

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

1کُرِنتھِیوں 12:5

خدمتاں وی طرحاں طرحاں دیاں ہِن، پر خُداوند ہِک ای ہے۔

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

اِفِسیوں 4:13

جئیں تئیں اساں سارے اِیمان تے خُدا دے پوتر دی پچھاݨ ءچ ہِک تھی تے بالغ نہ بنڑ ونجُوں، یعنی مسیح دی پُوری کاملیت تئیں پُج نہ ونجُوں۔

فِلِپّیوں 2:11

تے ہر زبان خُدا باپ دے جلال کیتے اِقرار کرے جو یسُوع مسیح ای خُداوند ہے۔

فِلِپّیوں 3:8

بلکہ میڈے کیتے آپنڑے خُداوند یسُوع مسیح کُوں جانڑن اِتنی قیمتی گالھ ہے جو اُوندے مُقابلہ ءچ ڈُوجھیاں سبھ چیزاں کُوں نُقصان سمجھدا ہاں۔ اُوندی خاطر مَیں سبھ چیزاں دا نُقصان برداشت کیتے تے اُنہاں کُوں کُوڑا سمجھدا ہاں تاں جو مسیح کُوں حاصل کر گِھناں،

طِطُس 1:1

ایہ خط میں پولُس دی طرفوں ہے جیہڑا خُدا دا خادم تے یسُوع مسیح دا رسُول ہاں۔ میں اِیں واسطے مقرر کیتا گِیا تاں جو خُدا دے چُنڑے ہوئے لوک اِیمان ءچ تے اُوں سچائی دی پچھاݨ ءچ ترقی کرݨ جیہڑی دیندار زندگی دو گِھن ویندی ہے،

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

عبرانیوں 6:6

جے او آپنڑے اِیمان کنُوں پِھر ونجنڑ تاں اُنہاں کُوں ولا کنُوں توبہ دو رجُوع کراوݨ ممکن نئیں۔ کیوں جو آپنڑے اِیں کم نال او خُدا دے پوتر کُوں ڈُوجھی پھیری صلیب اُتے چڑھا تے اعلانیہ ذلیل کریندے ہِن۔

یعقُوب 2:18

تھی سگدے جو کوئی آکھے جو ”تُوں اِیمان رکھیندا ہیں پر مَیں نیک اعمال کریندا ہاں۔“ تُوں بغیر اعمال دے آپنڑا اِیمان میکُوں ڈِکھا تے مَیں آپنڑا اِیمان آپنڑے اعمال تُوں تیکُوں ڈِکھیساں۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

یہُوداہ 1:20

پر عزیزو! تُساں آپنڑے پاک اِیمان ءچ ترقی کر تے رُوح القُدس دی مدد نال دُعا کریندے راہو۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔