اِفِسیوں 4:28 - کِتاب مُقدّس سرائیکی ترجمہ

²⁸ چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔

اِفِسیوں 4:28 Iomraidhean Croise

لُوقا 19:8

پر زکّائی کھڑا تھی تے خُداوند کُوں آکھیا، ”مالک! مَیں آپنڑا ادھا مال غریباں کُوں ڈیندا ہاں تے جے مَیں کہیں دا کُجھ ناحق گِھدے تاں اُونکُوں چار گُنا واپس کریندا ہاں۔“

لُوقا 3:8

بس ایجھے کم کرو جو نظر آوے جو تُساں توبہ کیتی ہے تے آپنڑی اِیں بُھل ءچ نہ راہو جو ’ابرہام ساڈا پِیُو ہے۔‘کیوں جو مَیں تُہاکُوں آدھا ہاں جو خُدا اِنہاں پتھراں کنُوں ابرہام کیتے اولاد پیدا کر سگدے۔

یُوحنّا 12:6

اُوں ایہ اِیں واسطے نہ آکھیا ہا جو اُونکُوں غریباں دی فِکر ہئی بلکہ اِیں واسطے جو او چور ہا تے اُوندے کولھ پیسے آلی تھیلی ہوندی ہئی تے جیہڑا کُجھ اُوندے ءچ سٹیا ویندا ہا، اُوندے ءچوں او کُجھ کڈھ گِھندا ہا۔

یُوحنّا 13:29

کیوں جو یہُوداہ دے کولھ پیسے آلی تھیلی راہندی ہئی اِیں واسطے کُجھ سوچیا جو یسُوع اُونکُوں عید کیتے ضروری سامان مُل گِھننڑ دا آدھا پِیا ہے یا ایہ جو غریباں کُوں کُجھ ڈیوے۔

رومیوں 12:13

مُقدّساں دیاں ضرورتاں پُوریاں کرو، مہمان نوازی کریندے راہو۔

1کُرِنتھِیوں 4:12

اساں آپنڑے ہتھاں نال سخت محنت کریندے ہیں۔ لوک ساکُوں بُرا بھلا آدھے ہِن پر اساں اُنہاں کُوں دُعا ڈیندے ہیں۔ جِیں ویلے لوک ساکُوں ستیندن تاں برداشت کریندے ہیں۔

2کُرِنتھِیوں 8:12

کیوں جو جے ڈیوݨ دی نیّت ہووے تاں خُدا خیرات اُوندے مطابق قبول کریندے جیہڑی ڈیوݨ آلے دے کولھ ہے، نہ جو اُوندے مطابق جیہڑی اُوندے کولھ نئیں۔

2کُرِنتھِیوں 8:2

جو کِینویں سخت مُصیبت دی ازمائش ءچ وی اُنہاں دی وڈی خوشی تے سخت غریبی، اُنہاں دی سخاوت کُوں بہُوں ودھا ڈِتا۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

طِطُس 3:14

ساڈے لوکاں کُوں وی چاہیدے جو او چنگے کماں ءچ لگے راہونڑا سِکھنڑ تاں جو ضرورتاں کُوں پُورا کر سگنڑ تے بے پھل زندگی نہ گُزارݨ۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔