اِفِسیوں 4:13 - کِتاب مُقدّس سرائیکی ترجمہ

¹³ جئیں تئیں اساں سارے اِیمان تے خُدا دے پوتر دی پچھاݨ ءچ ہِک تھی تے بالغ نہ بنڑ ونجُوں، یعنی مسیح دی پُوری کاملیت تئیں پُج نہ ونجُوں۔

اِفِسیوں 4:13 Iomraidhean Croise

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

یُوحنّا 1:16

او فضل کنُوں بھریا ہا تے اساں اُوندے فضل ءچوں فضل اُتے فضل پایا۔

یُوحنّا 16:3

تے او ایہ اِیں واسطے کریسن جو اُنہاں نہ تاں باپ کُوں جانڑیا نہ میکُوں۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 6:69

تے اساں اِیمان گِھن آئے تے جاݨ گئے ہیں جو خُدا دے قدُّوس تُساں ای ہیوے۔“

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

1کُرِنتھِیوں 2:6

اساں حِکمت دے گالھیں اُنہاں لوکاں کُوں آدھے ہیں جیہڑے اِیمان ءچ بالغ ہِن، پر ایہ حِکمت نہ اِیں جہان دی ہے تے نہ ای اِیں جہان دے ختم تھی ونجنڑ آلے حاکماں دی ہے۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

اِفِسیوں 1:23

کلیسیا مسیح دا بدن ہے تے مسیح نال کامل تھیندی ہے جیہڑا ہر ہِک چیز کُوں کامل کریندے۔

اِفِسیوں 2:15

کیوں جو اُوں شریعت کُوں اُوندے حُکماں تے قانُوناں سمیت ختم کر ڈِتے، تاں جو یہُودی تے غیر یہُودی کُوں آپنڑے آپ ءچ ہِک نواں اِنسان بنڑا تے صُلح کرا ڈیوے۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

اِفِسیوں 4:3

رُوح القُدس تُہاکُوں ہِک کر ڈِتے، اِیں واسطے ہِک ڈُوجھے نال صُلح ءچ بدھے رہ تے اِینکُوں قائم رکھنڑ دی کوشش کرو۔

اِفِسیوں 4:5

تے ہِک ای خُداوند ہے، ہِک ای اِیمان تے ہِک ای بپتسمہ ہے،

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

فِلِپّیوں 3:8

بلکہ میڈے کیتے آپنڑے خُداوند یسُوع مسیح کُوں جانڑن اِتنی قیمتی گالھ ہے جو اُوندے مُقابلہ ءچ ڈُوجھیاں سبھ چیزاں کُوں نُقصان سمجھدا ہاں۔ اُوندی خاطر مَیں سبھ چیزاں دا نُقصان برداشت کیتے تے اُنہاں کُوں کُوڑا سمجھدا ہاں تاں جو مسیح کُوں حاصل کر گِھناں،

کلُسِّیوں 1:28

اساں مسیح دی تبلیغ کریندے ہیں تے کمال دانائی نال سارے لوکاں کُوں نصیحت کریندے تے تعلیم ڈیندے ہیں، تاں جو اساں ہر بندے کُوں مسیح ءچ رُوحانی طور تے بالغ بنڑا تے پیش کر سگوں۔

کلُسِّیوں 2:2

تاں جو اُنہاں دے دِلاں کُوں حوصلہ تھیوے تے او آپس دی محبت ءچ ہِک ڈُوجھے نال بدھے راہوݨ، تے اعتماد دی ساری دولت کُوں پاوݨ جیہڑی پُوری سمجھ نال مِلدی ہے، تے خُدا دے راز کُوں پچھاݨ گِھننڑ جیہڑا مسیح خود ہے۔

عبرانیوں 5:14

پر روٹی وڈیاں کیتے ہوندی ہے جیہڑے تجربے تے تربیت نال اِیں قابل تھی گئے ہِن جو نیکی تے بُرائی ءچ فرق کر سگنڑ۔

2 پطرس 1:4

اِنہاں دے ذریعے اُوں ساڈے نال قیمتی تے بہُوں وڈے وعدے کیتے تاں جو اُنہاں دے وسیلہ نال تُساں اِیں دُنیاوی خرابی کنُوں جیہڑی بُری خواہش دے سببّوں ہے، چُھٹ تے خُدا دی اِلٰہی ذات ءچ شریک تھی ونجو۔

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔