اِفِسیوں 4:11 - کِتاب مُقدّس سرائیکی ترجمہ

¹¹ اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

اِفِسیوں 4:11 Iomraidhean Croise

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

اعمال 21:8

ڈُوجھے ڈینہہ اساں روانہ تھئے تے قیصریہ ءچ پُج تے فِلپُس ناں دے ہِک بندے دے گھر ٹِکے جیہڑا نجات دی خوشخبری سُنڑیندا ہا تے یروشلیم ءچ چُنڑے ہوئے سَت مددگاراں ءچوں ہا۔

رومیوں 12:7

یا جِینکُوں خدمت کرݨ دی نعمت مِلی ہووے، او خدمت ءچ مصروف راہوے۔ یا جِینکُوں تعلیم ڈیوݨ دی نعمت مِلی ہووے، او تعلیم ڈیندا راہوے۔

1کُرِنتھِیوں 12:4

نعمتاں تاں طرحاں طرحاں دیاں ہِن، پر رُوح القُدس ہِکو ہے۔

اِفِسیوں 2:20

تُساں ہِک ایجھی عمارت ہیوے جیہڑی رسُولاں تے نبیاں دی بنیاد اُتے اُساری گئی ہے، جیندے کونے دے سرے دا پتھر یسُوع مسیح خود ہے۔

اِفِسیوں 3:5

پُرانڑے زمانیاں ءچ خُدا ایہ بھید لوکاں اُتے ظاہر نہ کیتا، پر ہُنڑ رُوح القُدس دے وسیلے اُوندے مُقدّس رسُولاں تے نبیاں اُتے ظاہر کیتا ہے۔

اِفِسیوں 4:8

اِیں واسطے فرمایا گِیا ہے جو ”جِیں ویلے او اُچائی اُتے چڑھیا تاں قیدیاں کُوں نال گِھن گِیا تے لوکاں کُوں تحفے ڈِتے۔“

2 تِیمُتھِیُس 4:5

پر تُوں ہر حال ءچ ہوشیار رہ، ڈُکھ برداشت کر، خوشخبری دی تبلیغ کر، تے آپنڑی خدمت کُوں پُورا کر۔

عبرانیوں 5:12

وقت دے حساب نال تاں ہُنڑ تئیں تُہاکُوں اُستاد ہوونڑا چاہیدا ہا پر ہُنڑ تئیں اِیں گالھ دی لوڑ ہے جو کوئی بندہ تُہاکُوں خُدا دے کلام دے بنیادی اصُول ولا سِکھاوے۔ تُہاکُوں روٹی کھاوݨ دی نئیں بلکہ کھیر پِیوݨ دی لوڑ ہے۔

یہُوداہ 1:17

پر عزیزو! اُنہاں گالھیں کُوں یاد رکھو جیہڑیاں ساڈے خُداوند یسُوع مسیح دے رسُول پہلے ای آکھ چُکے ہِن۔

مُکاشفہ 18:20

”اسمانو اُوندی تباہی اُتے خوشی مناؤ مُقدّسو، رسُولو تے نبیو خوشی مناؤ کیوں جو خُدا تُہاڈے حق ءچ فیصلہ کر تے اُوندی عدالت کیتی ہے۔“

مُکاشفہ 21:14

اُوں شہر دی چاردیواری دی بنیاد بارہاں پتھراں اُتے قائم ہئی جِنہاں اُتے لیلے دے بارہاں رسُولاں دے ناں لِکھے ہَن۔