اِفِسیوں 3:9 - کِتاب مُقدّس سرائیکی ترجمہ

⁹ تے سارے لوکاں اُتے اُوں بھید آلا منصوبہ ظاہر کراں جیہڑا پُرانڑے زمانیاں ءچ ہر چیز کُوں پیدا کرݨ آلے خُدا دے کولھ لُکیا ہویا ہا۔

اِفِسیوں 3:9 Iomraidhean Croise

متّی 10:27

جیہڑا کُجھ مَیں تُہاکُوں اندھارے ءچ آدھا ہاں تُساں اُونکُوں سوجھلے ءچ آکھو۔ تے جیہڑا کُجھ تُساں کَن ءچ سُنڑدے ہیوے کوٹھیاں اُتے اُوندی تبلیغ کرو۔

متّی 13:35

اِینویں نبی دی آکھی ہوئی گالھ پُوری تھئی جو ”مَیں مثالاں ءچ آپنڑاں مُنہ کھولیساں۔ تے او گالھیں اکھیساں جیہڑیاں دُنیا بنڑݨ دے ویلے کنُوں لُکیاں رہ گئیاں ہِن۔“

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

لُوقا 24:47

تے اُوندے ناں ءچ یروشلیم کنُوں شروع کر تے ساریاں قوماں ءچ توبہ تے گُناہاں دی معافی دی تبلیغ کیتی ویسی۔

یُوحنّا 10:30

مَیں تے میڈا باپ ہِکو ہاں۔“

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

یُوحنّا 5:19

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔

اعمال 15:18

جیہڑا دُنیا دے شروع تُوں اِنہئی گالھیں دی خبر ڈیندا آیا ہے۔

رومیوں 11:25

بِھراؤ! مَیں اِیں راز کُوں تُہاکُوں سمجھاونڑاں چاہندا ہاں تاں جو تُساں آپنڑے آپ اُتے فخر نہ کرو۔ گالھ ایہ ہے جو اِسرائیل دا ہِک حصہ سخت دل تھی گِیا ہے تے جئیں تئیں غیر قوماں مکمل طور تے داخل نہ تھی ونجنڑ او اِینویں ای راہسی۔

1کُرِنتھِیوں 2:7

بلکہ اساں خُدا دی او حِکمت پیش کریندے ہیں جیہڑی پہلے راز وانگُوں لُکی ہوئی ہئی، پر ہُنڑ ظاہر کیتی گئی ہے، تے جِینکُوں خُدا اِیں موجودہ جہان تُوں پہلے ای ساڈے جلال کیتے مقرر کر ڈِتا ہا۔

اِفِسیوں 1:4

اُوں دُنیا بنڑاوݨ کنُوں پہلے ای ساکُوں مسیح ءچ چُنڑ گِھدا تاں جو اساں اُوندے حضُور پاک تے بے عیب تھیؤں۔ محبت ءچ

اِفِسیوں 3:2

تُساں یقیناً خُدا دے فضل دی تبلیغ کرݨ دی اُوں ذمہ داری دے بارے ءچ سُنڑیا ہوسی جیہڑی تُہاڈے کیتے میکُوں مِلی۔

اِفِسیوں 6:19

میڈے کیتے وی دُعا کرو تاں جو جڈاں کڈھائیں میکُوں بولنڑ دا موقع مِلے تاں خُدا میکُوں ایجھے الفاظ ڈیوے جو خوشخبری دے راز کُوں دلیری نال ظاہر کر سگاں،

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

کلُسِّیوں 1:26

یعنی او راز جیہڑا سارے زمانیاں تے نسلاں کنُوں لُکیا ریہا، پر ہُنڑ خُدا دے مُقدّساں اُتے ظاہر تھئے۔

کلُسِّیوں 3:3

کیوں جو تُساں مر گئے تے تُہاڈی زندگی مسیح دے نال خُدا ءچ لُکی ہوئی ہے۔

کلُسِّیوں 4:3

تے ساڈے کیتے وی دُعا کرو جو خُدا ساڈے کیتے کلام سُنڑاونڑ دا دروازہ کھول ڈیوے تاں جو مَیں مسیح دے راز دی تبلیغ کر سگاں جیندی وجہ کنُوں قید ءچ ہاں۔

2تھِسّلُنیکیوں 2:13

پر بِھراؤ تے خُداوند دے پیاریو! تُہاڈے کیتے خُدا دا شُکر کریندے راہوݨ ساڈے اُتے فرض ہے کیوں جو اُوں تُہاکُوں شروع کنُوں ای چُنڑ گِھدے جو تُساں رُوح القُدس دے ذریعے پاکیزگی حاصل کر تے، تے حق اُتے اِیمان گِھن آ تے نجات پاؤ۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

1 پطرس 1:20

خُدا مسیح کُوں دُنیا بنڑاوݨ تُوں پہلے مقرر کیتا پر تُہاڈے کیتے اُونکُوں اِیں آخری زمانے ءچ ظاہر کیتا۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

مُکاشفہ 14:6

وَل مَیں ہِک بئے فرشتے کُوں اسمان ءچ اُڈدے ڈِٹھا۔ اُوندے کولھ زمین دے راہنڑ آلیاں یعنی ہر قوم، قبیلے، اہل ِ زبان تے اُمت کُوں سُنڑاوݨ کیتے ابدی خوشخبری ہئی۔

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

مُکاشفہ 4:11

”اے خُداوند ساڈے خُدا تُوں ای جلال، عزت تے قُدرت دے لائق ہیں، کیوں جو تَیں ای ساریاں چیزاں کُوں خلق کیتے، تے او ساریاں تیڈی ای مرضی نال وجود ءچ آئیاں ہِن۔“