اِفِسیوں 3:6 - کِتاب مُقدّس سرائیکی ترجمہ

⁶ او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

اِفِسیوں 3:6 Iomraidhean Croise

1کُرِنتھِیوں 12:12

جِینویں اِنسانی بدن ہِک ہے تے اُوندے بہُوں سارے اَنگ ہِن تے او سبھ اَنگ رَل تے ہِک بدن بنڑیندن، اُونویں ای مسیح دا بدن وی ہے۔

1کُرِنتھِیوں 12:27

بس تُساں رَل تے مسیح دا بدن ہیوے تے کلھے کلھے اُوندے اَنگ ہیوے۔

گلتِیوں 3:14

اِیندا مقصد ایہ ہا جو ابرہام کُوں ڈِتی ہوئی برکت مسیح یسُوع دے وسیلے نال غیر قوماں تئیں پُجے تے اساں اِیمان دے وسیلے نال اُوں رُوح القُدس کُوں حاصل کرُوں جِیندا وعدہ کیتا گِیا ہے۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

اِفِسیوں 3:3

یعنی ایہ جو خُدا آپنڑا بھید میڈے اُتے مُکاشفے ءچ ظاہر کیتا، جِینویں میں پہلے تُہاکُوں لِکھیا ہے۔

اِفِسیوں 5:30

کیوں جو اساں اُوندے بدن دے اَنگ ہیں۔ [جِینویں کلام ءچ لِکھیا ہے]

اِفِسیوں 5:7

اِیں واسطے ایجھے لوکاں دے کماں ءچ شریک نہ تھیؤ۔

کلُسِّیوں 2:19

او مسیح کُوں جیہڑا بدن دا سر ہے پکڑی نئیں رکھیا، جیندے نال سارا بدن پرورش پا تے، تے جوڑاں تے پٹھیاں دے ذریعے آپس ءچ جُڑ تے خُدا دی مدد نال ودھدا ویندے۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔