اِفِسیوں 2:8 - کِتاب مُقدّس سرائیکی ترجمہ

⁸ کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

اِفِسیوں 2:8 Iomraidhean Croise

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

متّی 20:9

جِیں ویلے او آئے جیہڑے ڈینہہ لہنڑ کنُوں ہِک گھنٹہ پہلے کھڑائے گئے ہَن، اُنہاں کُوں ہِک ہِک دینار مِلیا۔

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

لُوقا 7:50

پر یسُوع اُوں عورت کُوں آکھیا، ”تیڈے اِیمان تیکُوں بچا گِھدے، سلامت چلی وَنج۔“

یُوحنّا 3:36

جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

یُوحنّا 6:35

یسُوع اُنہاں کُوں آکھیا، ”زندگی دی روٹی مَیں ہاں۔ جیہڑا میڈے کولھ آسی کڈھائیں بُکھا نہ راہسی تے جیہڑا میڈے اُتے اِیمان گِھن آسی کڈھائیں ترِسّا نہ راہسی۔

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

یُوحنّا 6:40

کیوں جو میڈے بھیجنڑ آلے دی مرضی ایہ ہے جو جیہڑا کوئی پوتر کُوں ڈیکھے تے اُوندے اُتے اِیمان گِھن آوے او ہمیشاں دی زندگی پاوے تے مَیں اُونکُوں قیامت آلے ڈینہہ ولا زندہ کراں۔“

یُوحنّا 6:44

میڈے کولھ کوئی نئیں آ سگدا جئیں تئیں باپ جئیں میکُوں بھیجیا ہے اُونکُوں چھیک نہ گِھنے، تے مَیں اُونکُوں قیامت آلے ڈینہہ ولا زندہ کریساں۔

یُوحنّا 6:65

وَل اُوں آکھیا، ”اِیں واسطے مَیں تُہاکُوں آکھیا ہا جو کوئی میڈے کولھ نئیں آ سگدا جئیں تئیں باپ اُونکُوں توفیق نہ بخشے۔“

اعمال 13:39

تے جیہڑے گالھیں کنُوں تُساں مُوسیٰ دی شریعت دے ذریعے نجات نہ پا سگدے ہَوے، ہُنڑ مسیح اُتے اِیمان گِھن آوݨ دے ذریعے ہر کہیں کُوں نجات مِل سگدی ہے۔

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

اعمال 15:11

جڈاں جو ساڈا اِیمان ہے جو ساکُوں خُداوند یسُوع دے فضل دے وسیلے نال نجات مِلسی، جِینویں اُنہاں کُوں مِلسی۔“

اعمال 16:14

ساڈے گالھیں سُنڑݨ آلیاں عورتاں ءچوں لُدیہ ناں دی ہِک عورت ہئی۔ او تھواتِیرہ شہر دی ہئی تے جامنی رنگ دے کپڑے دا کاروبار کریندی ہئی تے بہُوں خُدا پرست ہئی۔ خُداوند اُوندا دل کھولیا تاں جو او پولُس دا پیغام سُنڑے تے اُونکُوں قبول کرے۔

اعمال 16:31

اُنہاں جواب ڈِتا، ”خُداوند یسُوع مسیح اُتے اِیمان گِھن آ تاں تُوں تے تیڈا خاندان نجات پے سی۔“

رومیوں 10:14

پر او اُوندا ناں کِینویں گِھننڑ جیندے اُتے او اِیمان نہ گِھن آئے؟ تے اُوندے اُتے اِیمان کِینویں گِھن آوݨ جیندے بارے ءچ نئیں سُنڑیا؟ تے کِینویں سُنڑݨ جئیں تئیں کوئی اُنہاں کُوں خوشخبری نہ سُنڑاوے؟

رومیوں 10:17

بس اِیمان پیغام سُنڑݨ تُوں پیدا تھیندے یعنی مسیح دا کلام سُنڑݨ تُوں۔

رومیوں 4:16

اِیں واسطے ایہ وعدہ اِیمان دے سببّوں مِلدے تاں جو فضل دے طور تے ہووے تے ابرہام دی یکی نسل کیتے ہووے، صرف اُنہاں کیتے نئیں جیہڑے شریعت دے مننڑ آلے ہِن بلکہ اُنہاں کیتے وی جیہڑے ابرہام وانگُوں اِیمان رکھیندے ہِن۔ کیوں جو ابرہام اساں ساریاں دا پِیُو ہے،

رومیوں 4:5

پر جیہڑا بندہ کم نئیں کریندا بلکہ بدکاراں کُوں راستباز بنڑاوݨ آلے خُدا اُتے اِیمان رکھیندے، اُوندا اِیمان اُوندے کیتے راستبازی شمار کیتا ویندے۔

رومیوں 9:16

اِیں واسطے اِیندا تعلق نہ تاں اِنسان دی خواہش نال ہے تے نہ ای اُوندی بھج دھروک نال بلکہ خُدا دے رحم نال ہے۔

گلتِیوں 3:14

اِیندا مقصد ایہ ہا جو ابرہام کُوں ڈِتی ہوئی برکت مسیح یسُوع دے وسیلے نال غیر قوماں تئیں پُجے تے اساں اِیمان دے وسیلے نال اُوں رُوح القُدس کُوں حاصل کرُوں جِیندا وعدہ کیتا گِیا ہے۔

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

اِفِسیوں 1:19

تے ایہ وی جو اساں اِیمان گِھن آوݨ آلیاں کیتے اُوندی قُدرت کیجھی عظیم ہے۔ ایہ اُوہو بے حد قُدرت ہے

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

فِلِپّیوں 1:29

کیوں جو تُہاڈے اُتے نہ صرف مسیح اُتے اِیمان گِھن آوݨ دا فضل تھئے بلکہ اُوندی خاطر ڈُکھ سہوݨ دا وی۔

کلُسِّیوں 2:12

جِیں ویلے تُساں بپتسمہ گِھدا تاں تُساں مسیح دے نال دفن تھی گئے، تے تُساں اُوندے نال زندہ وی کیتے گئے کیوں جو تُساں خُدا دی قُدرت اُتے اِیمان گِھن آئے جئیں مسیح کُوں مُردیاں ءچوں زندہ کیتا۔

2تھِسّلُنیکیوں 1:9

ایجھے لوک خُداوند دی حضُوری تے اُوندی جلالی قُدرت کنُوں دُور تھی تے ابدی ہلاکت دی سزا پیسن۔

عبرانیوں 6:4

او لوک جِنہاں دے دل ہِک پھیری روشن تھی گئے ہِن تے جِنہاں اسمانی نعمت دا مزہ چَکھ گِھدے، جِنہاں کُوں رُوح القُدس مِلیا ہے،

1 پطرس 1:5

خُدا آپنڑی قُدرت دے ذریعے تے تُہاڈے اِیمان دے وسیلہ نال تُہاڈی حفاظت کریندا راہسی جئیں تئیں تُہاکُوں او نجات نہ مِل ونجے جیہڑی آخرت ءچ ظاہر تھیوݨ آلی ہے۔