اِفِسیوں 2:7 - کِتاب مُقدّس سرائیکی ترجمہ

⁷ تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

اِفِسیوں 2:7 Iomraidhean Croise

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

اِفِسیوں 1:7

ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

اِفِسیوں 2:4

پر خُدا جیہڑا بہُوں ای رحم کرݨ آلا ہے، اُوں ساڈے نال ایجھی محبت رکھی جو

اِفِسیوں 3:21

کلیسیا دے وسیلے تے یسُوع مسیح دے وسیلے اُوندی حمد پُشت در پُشت تے ہمیشاں تئیں تھیندی راہوے۔ آمین۔

اِفِسیوں 3:5

پُرانڑے زمانیاں ءچ خُدا ایہ بھید لوکاں اُتے ظاہر نہ کیتا، پر ہُنڑ رُوح القُدس دے وسیلے اُوندے مُقدّس رسُولاں تے نبیاں اُتے ظاہر کیتا ہے۔

2تھِسّلُنیکیوں 1:12

تاں جو ساڈے خُداوند یسُوع مسیح دا ناں تُہاڈی وجہ کنُوں عزت پاوے تے تُساں وی اُوندے وسیلے عزت پاؤ۔ ایہ ساڈے خُدا تے خُداوند یسُوع مسیح دے فضل نال تھیسی۔

طِطُس 3:4

پر جِیں ویلے ساڈے نجات ڈیوݨ آلے خُدا دی مہربانی تے محبت ظاہر تھئی

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔