اِفِسیوں 2:2 - کِتاب مُقدّس سرائیکی ترجمہ

² تے دُنیا دے طور طریقے اُتے چلدے تے ہوائی طاقتاں دے سردار یعنی ابلیس دی پیروی کریندے ہَوے۔ ایہ رُوح ہُنڑ تئیں نافرمان لوکاں ءچ تاثیر رکھیندی ہے۔

اِفِسیوں 2:2 Iomraidhean Croise

متّی 11:19

اِبنِ آدم کھاندا پِیندا آیا تے او آدھن، ’ڈیکھو ایہ کھاؤُ تے شرابی بندہ، محصُول گِھننڑ آلیاں تے گُنہگاراں دا یار۔‘ پر حِکمت آپنڑے کماں تُوں برحق ثابت تھئی۔“

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

متّی 13:38

رَڑھ دُنیا ہے تے چنگا بیج بادشاہی دے فرزند تے کڑوے دانڑے اُوں شریر دے فرزند ہِن۔

مرقس 4:19

پر دُنیا دی فِکر تے دولت دا فریب تے ڈُوجھیاں چیزاں دا لالچ آ تے کلام کُوں دبا ڈیندے تے اُونکُوں پھل نئیں لگ دا۔

لُوقا 16:8

مالک اُوں بے اِیمان مُنشی دی تعریف کیتی اِیں واسطے جو اُوں وڈی ہوشیاری نال کم گِھدا ہا۔ کیوں جو اِیں دُنیا دے فرزند آپنڑے جِیہے لوکاں نال دُنیا داری دے معاملات ءچ نُور دے فرزنداں کنُوں زیادہ ہوشیار ہِن۔

لُوقا 22:31

شمعون! شمعون! ڈیکھ شیطان اِجازت منگی ہے جو تُہاکُوں دانڑیاں وانگُوں پھٹکے،

یُوحنّا 12:31

ہُنڑ دُنیا دی عدالت کیتی ویندی ہے۔ ہُنڑ دُنیا دا سردار باہر کڈھ ڈِتا ویسی

یُوحنّا 13:2

شام دے کھانڑے دا ویلا ہا تے ابلیس پہلے ای شمعون دے پوتر یہُوداہ اِسکریُوتی دے دل ءچ اُونکُوں پکڑوا ڈیوݨ دا خیال پا ڈِتا ہا۔

یُوحنّا 13:27

اِیں گِراں کھاوݨ دے بعد شیطان یہُوداہ ءچ سما گِیا۔ بس یسُوع اُونکُوں آکھیا جو ”جیہڑا کُجھ تیکُوں کرنڑا ہے جلدی کر گِھن۔“

یُوحنّا 14:30

اِیندے بعد مَیں تُہاڈے نال زیادہ گالھیں نہ کریساں کیوں جو اِیں دُنیا دا سردار آندا ہے۔ اُونکُوں میڈے اُتے کوئی اِختیار نئیں،

یُوحنّا 15:19

جے تُساں دُنیا دے ہوندے تاں دُنیا تُہاکُوں آپنڑا سمجھ تے عزیز رکھیندی پر کیوں جو تُساں دُنیا دے نئیں بلکہ مَیں تُہاکُوں دُنیا ءچوں چُنڑ گِھدے اِیں واسطے دُنیا تُہاڈے نال نفرت کریندی ہے۔

یُوحنّا 16:11

تے عدالت دے بارے ءچ اِیں واسطے جو دُنیا دے سردار اُتے سزا دا حُکم کیتا گئے۔

یُوحنّا 7:7

دُنیا تُہاڈے نال نفرت نئیں رکھ سگدی پر میڈے نال رکھیندی ہے، کیوں جو مَیں اُوندے خلاف گواہی ڈیندا ہاں جو اُوندے کم بُرے ہِن۔

یُوحنّا 8:23

یسُوع اُنہاں کُوں آکھیا، ”تُساں زمین اُتے راہنڑ آلے ہیوے پر مَیں اسمان کنُوں ہاں۔ تُساں اِیں دُنیا دے ہیوے پر مَیں اِیں دُنیا دا نئیں۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

اعمال 19:35

وَل شہر دے ناظم لوکاں کُوں ٹھڈا کر تے آکھیا، ”اِفِسُس دے راہنڑ آلیو! کیہڑا بندہ نئیں جانڑدا جو اِفِسِیاں دا شہر وڈی دیوی اَرتمِس دے مندر تے اُوں مُورت دا محافظ ہے جیہڑی اسمان دی طرفوں ڈھٹھی ہئی؟

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

1کُرِنتھِیوں 5:10

میڈا مطلب ایہ نئیں جو دُنیا دے زِناکاراں نال، لالچیاں نال، ظالماں یا بُتاں دی پُوجا کرݨ آلیاں نال اصلُوں نہ مِلائے، کیوں جو اِینویں تاں تُہاکُوں دُنیا تُوں نِکلنڑاں پوسی۔

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

گلتِیوں 1:4

یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔

اِفِسیوں 1:21

تے اُونکُوں ہر قِسم دی حکُومت تے اِختیار تے قُدرت تے ریاست بلکہ ہر ہِک ناں کنُوں اُچا کیتا، نہ صرف اِیں جہان ءچ بلکہ آوݨ آلے جہان ءچ وی۔

اِفِسیوں 2:11

بس یاد رکھو جو ماضی ءچ تُساں جیہڑے پیدائشی طور تے غیر قوم آلے ہَوے، کیا ہَوے۔ ختنہ کراوݨ آلے یہُودی تُہاکُوں ”بغیر ختنہ آلے“ آدھے ہَن، بھانویں اُنہاں دا ختنہ صرف اِنسانی ہتھ نال جِسم ءچ کیتا ہویا کم ہے۔

اِفِسیوں 2:13

پر تُساں جیہڑے پہلے دُور ہَوے ہُنڑ یسُوع مسیح ءچ اُوندے خون دے وسیلے خُدا دے نیڑے گِھن آئے گئے ہیوے۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

اِفِسیوں 5:8

کیوں جو پہلے تُساں اندھارے ءچ ہَوے پر ہُنڑ خُداوند ءچ ہوندے ہوئے تُساں نُور ءچ ہیوے۔ بس نُور دے فرزنداں وانگُوں زندگی گُزارو۔

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

کلُسِّیوں 1:21

ہِک وقت ہا جِیں ویلے تُساں خُدا کنُوں بہُوں دُور ہَوے تے آپنڑی بُری سوچ تے کماں دے سببّوں اُوندے دُشمنڑ ہَوے۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

یعقُوب 1:7

ایجھا بندہ ایہ نہ سمجھے جو اُونکُوں خُداوند کنُوں کُجھ مِلسی،

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

1 پطرس 1:14

خُدا دے فرمانبردار فرزند ہوندے ہوئے آپنڑی جہالت دے زمانہ دیاں بُریاں خواہشاں دے تابع نہ تھیؤ،

1 پطرس 4:3

تُساں پہلے ای آپنڑی زندگی دا بہُوں وقت اُوہو کرݨ ءچ گُزار ڈِتے جیہڑا غیر قوماں کُوں پسند ہے یعنی شہوت پرستی، بُریاں خواہشاں، شراب پِیوݨ، نچنڑ گاوݨ، نشے بازی تے بُت پرستی ءچ، جیہڑا بہُوں مکرُوہ کم ہے۔

2 پطرس 2:14

اُنہاں دے اکھیں ہر ویلے زِناکار عورتاں دی گولھ ءچ راہندیاں ہِن، تے گُناہ کرݨ تُوں کڈھائیں باز نئیں آندیاں۔ او کمزور لوکاں کُوں غلط کم کرݨ کیتے ورغلیندے ہِن تے لالچ کرݨ ءچ ماہر ہِن۔ او لعنتی ہِن۔

1 یُوحنّا 3:10

اِتُھوں پتہ چلدے جو کیہڑے خُدا دے فرزند ہِن تے کیہڑے ابلیس دے۔ جیہڑا نیک کم نئیں کریندا تے آپنڑے بِھرانواں نال محبت نئیں رکھیندا، او خُدا دا بندہ کائنی۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

1 یُوحنّا 5:19

اساں جانڑدے ہیں جو اساں خُدا دے فرزند ہیں، تے ایہ وی جو ساری دُنیا ابلیس دے قبضہ ءچ ہے۔

1 یُوحنّا 5:4

جیہڑا کوئی خُدا دا فرزند ہے، او دُنیا اُتے غالب آندے۔ تے جیندے نال اساں دُنیا اُتے غالب آ تے فتح پائی، او ساڈا اِیمان ہے۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

مُکاشفہ 13:14

اُنہاں کرِشمیاں دے ذریعے جیہڑے اُونکُوں اُوں پہلے حیوان دی خاطر ڈِکھاوݨ دا اِختیار ڈِتا گِیا ہا، او زمین آلیاں کُوں گُمراہ کریندا ہا۔ تے اُنہاں کُوں حُکم ڈیندا ہا جو اُوں حیوان دا بُت بنڑاؤ جِینکُوں تلوار نال ہلاک کرݨ آلا زخم لگیا ہا پر وَل وی او زندہ ہے۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

مُکاشفہ 16:17

وَل ستویں فرشتے آپنڑا مُنگر ہوا اُتے وِیٹ ڈِتا تے ہیکل دے تخت ءچوں ہِک وڈی اواز ایہ آدھی ہوئی سُنڑائی ڈِتی جو ”پُورا تھی گِیا!“

مُکاشفہ 20:2

اُوں اژدہے یعنی اُوں پُرانڑے نانگ کُوں جیہڑا ابلیس تے شیطان ہے، پکڑیا تے ہِک ہزار سال کیتے بَدھ ڈِتا۔