اِفِسیوں 2:12 - کِتاب مُقدّس سرائیکی ترجمہ

¹² اُوں ویلے تُساں مسیح کنُوں جُدا، بنی اِسرائیل دے غیر شہری، اُنہاں نال کیتے ہوئے عہداں دے وعدیاں کنُوں اَݨسُوویں تے دُنیا ءچ نا اُمید تے خُدا کنُوں ناواقف ہَوے۔

اِفِسیوں 2:12 Iomraidhean Croise

لُوقا 1:72

تاں جو او ساڈے پِیُو ڈاڈے اُتے رحم کرے تے آپنڑے پاک عہد کُوں یاد فرماوے،

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

یُوحنّا 15:5

مَیں انگُور دی ویل ہاں تے تُساں ٹاہنڑیاں ہیوے۔ جیہڑا میڈے ءچ قائم راہندے تے مَیں اُوندے ءچ، اُوہو بہُوں پھل ڈیندے کیوں جو مَیں کنُوں اَنج تھی تے تُساں کُجھ نئیں کر سگدے۔

یُوحنّا 4:22

تُساں جِینکُوں نئیں جانڑدے اُوندی عبادت کریندے ہیوے۔ اساں جِینکُوں جانڑدے ہیں، اُوندی عبادت کریندے ہیں کیوں جو نجات یہُودیاں ءچوں ہے۔

اعمال 2:39

کیوں جو ایہ وعدہ تُہاڈے کیتے تے تُہاڈی اولاد کیتے بلکہ اُنہاں ساریاں کیتے وی ہے جیہڑے دُور دے ہِن، جِنہاں کُوں خُداوند ساڈا خُدا آپنڑے کولھ سڈیسی۔“

اعمال 28:20

بس مَیں تُہاکُوں اِیں واسطے سڈوایا جو تُہاڈے نال مُلاقات کراں تے گالھ کراں کیوں جو مَیں بنی اِسرائیل دی اُمید دی وجہ کنُوں زنجیراں نال بدھیا پِیا ہاں۔“

اعمال 3:25

تُساں نبیاں دی اولاد تے اُوں عہد ءچ شریک ہیوے جیہڑا خُدا تُہاڈے پِیُو ڈاڈا نال کیتا جِیں ویلے ابرہام کُوں آکھیا جو ’تیڈی اولاد کنُوں دُنیا دے سبھ لوک برکت پیسن۔‘

رومیوں 9:8

یعنی جِسمانی فرزند خُدا دے فرزند نئیں بلکہ صرف وعدہ دے فرزند نسل ءچ شمار کیتے ویندے ہِن۔

گلتِیوں 4:8

اِیں تُوں پہلے جِیں ویلے تُساں خُدا تُوں واقف نہ ہَوے تاں تُساں ایجھے معبُوداں دے غُلام ہَوے جیہڑے خُدا ہِن کائنی۔

اِفِسیوں 2:19

بس ہُنڑ تُساں پردیسی تے اجنبی نئیں ریہے بلکہ خُدا دے مُقدّساں دے ہم وطن تے خُدا دے گھرانڑے دے لوک بنڑ گئے ہیوے۔

اِفِسیوں 4:18

اُنہاں دی عقل ماری گئی ہے تے خُدا دی ڈِتی ہوئی زندگی ءچ اُنہاں دا کوئی حصہ نئیں کیوں جو او آپنڑی سخت دِلی پارُوں جاہل بنڑ گئے ہِن۔

کلُسِّیوں 1:21

ہِک وقت ہا جِیں ویلے تُساں خُدا کنُوں بہُوں دُور ہَوے تے آپنڑی بُری سوچ تے کماں دے سببّوں اُوندے دُشمنڑ ہَوے۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

کلُسِّیوں 1:5

ایہ اُنہاں اُمید کیتیاں ہوئیاں برکتاں دی وجہ کنُوں ہے جیہڑیاں تُہاڈے کیتے اسمان اُتے رکھیاں ہِن تے جِیندا ذِکر تُساں خوشخبری دے سچے کلام ءچ پہلے سُنڑ گِھدے،

1تھِسّلُنیکیوں 4:13

بِھراؤ! اساں نئیں چاہندے جو تُساں اُنہاں اِیمانداراں دے حال دے بارے ءچ ناواقف راہو جیہڑے سَم گئے ہِن، تاں جو تُساں اُنہاں وانگُوں غم نہ کرو جِنہاں کُوں کوئی اُمید نئیں۔

1تھِسّلُنیکیوں 4:5

اُنہاں قوماں وانگُوں شہوت پرستی ءچ زندگی نہ گُزارو، جیہڑیاں خُدا کُوں نئیں جانڑدیاں۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

1 تِیمُتھِیُس 1:1

ایہ خط میں پولُس دی طرفوں ہے جیہڑا ساڈے نجات ڈیوݨ آلے خُدا تے ساڈی اُمید یعنی یسُوع مسیح دے حُکم نال اُوندا رسُول مقرر کیتا گِیا ہاں،

عبرانیوں 11:34

بھاہ دی طاقت کُوں وِسمایا، تلواراں نال مرݨ کنُوں بچ نِکلے، کمزوری ءچ زور آور تھئے، جنگ ءچ بہادر بنڑے، دُشمنڑاں دیاں فوجاں کُوں شکست ڈِتی۔

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

عبرانیوں 8:6

پر ہُنڑ مسیح کُوں ڈُوجھے کاہِناں کنُوں افضل خدمت مِلی ہے کیوں جو او اُوں افضل عہد دا درمیانی ہے، جیہڑا چنگے وعدیاں اُتے قائم کیتا گِیا ہے۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1 پطرس 3:15

مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔