اِفِسیوں 2:11 - کِتاب مُقدّس سرائیکی ترجمہ

¹¹ بس یاد رکھو جو ماضی ءچ تُساں جیہڑے پیدائشی طور تے غیر قوم آلے ہَوے، کیا ہَوے۔ ختنہ کراوݨ آلے یہُودی تُہاکُوں ”بغیر ختنہ آلے“ آدھے ہَن، بھانویں اُنہاں دا ختنہ صرف اِنسانی ہتھ نال جِسم ءچ کیتا ہویا کم ہے۔

اِفِسیوں 2:11 Iomraidhean Croise

متّی 20:7

اُنہاں جواب ڈِتا، ’اِیں واسطے جو ساکُوں کہیں کم تے نئیں کھڑایا۔‘ اُوں اُنہاں کُوں آکھیا، ’تُساں وی انگُوراں دے باغ ءچ چلے ونجو۔‘

رومیوں 11:17

بے شک کُجھ لڑیاں کپ ڈِتیاں گئیاں تے تُوں جنگلی زیتون ہوندے ہوئے اُنہاں دی جاہ پیوند تھی گِیا، تے زیتون دے درخت دی جڑھ دے روغن ءچ حصہ دار تھی گِیا۔

رومیوں 2:26

جے او بندہ جِیندا ختنہ نہ تھیّا ہووے، شریعت دے حُکماں اُتے عمل کریندے تاں کیا او ختنہ تھئے ہوئے لوکاں دے برابر نہ سمجھیا ویسی؟

رومیوں 2:27

بلکہ کیا او جِیندا ختنہ نہ تھیّا ہووے پر شریعت اُتے عمل کریندے، تیکُوں جِیندا ختنہ تھیّا تے جیندے کولھ شریعت ہے، پر اُوندے اُتے عمل نئیں کریندا، قصُوروار نہ کھڑیسی؟

1کُرِنتھِیوں 12:2

تُساں جانڑدے ہیوے جو جیہڑے ویلے تُساں غیر اِیماندار ہَوے تاں تُساں گُونگے بُتاں دے پِچُھوں ٹُردے ہَوے، جِینویں وی کوئی تُہاکُوں گِھن ویندا ہا۔

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

گلتِیوں 2:15

”اساں پیدائشی یہُودی ہیں، گُنہگار غیر قوماں ءچوں نئیں۔

گلتِیوں 6:12

جیہڑے لوک ڈُوجھیاں دے سامنڑے آپنڑے آپ کُوں چنگا ڈِکھاوݨ چاہندے ہِن، او تُہاکُوں ختنہ کراوݨ اُتے مجبور کرݨ دی کوشش کریندے ہِن۔ پر اُنہاں دا مقصد صرف ایہ ہے جو مسیح دی صلیبی موت دے پیغام دی وجہ کنُوں ستائے نہ ونجنڑ۔

اِفِسیوں 2:2

تے دُنیا دے طور طریقے اُتے چلدے تے ہوائی طاقتاں دے سردار یعنی ابلیس دی پیروی کریندے ہَوے۔ ایہ رُوح ہُنڑ تئیں نافرمان لوکاں ءچ تاثیر رکھیندی ہے۔

اِفِسیوں 5:8

کیوں جو پہلے تُساں اندھارے ءچ ہَوے پر ہُنڑ خُداوند ءچ ہوندے ہوئے تُساں نُور ءچ ہیوے۔ بس نُور دے فرزنداں وانگُوں زندگی گُزارو۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

کلُسِّیوں 1:21

ہِک وقت ہا جِیں ویلے تُساں خُدا کنُوں بہُوں دُور ہَوے تے آپنڑی بُری سوچ تے کماں دے سببّوں اُوندے دُشمنڑ ہَوے۔

کلُسِّیوں 2:11

مسیح ءچ آ تے تُہاڈا ایجھا ختنہ تھئے جیہڑا ہتھ نال نئیں بلکہ مسیح دے وسیلے تھئے، جیندے نال تُہاڈی پُرانڑی فطرت تُہاڈے تُوں اَنج کر ڈِتی گئی ہے۔

کلُسِّیوں 2:13

تُساں تاں آپنڑے گُناہاں دے سببّوں تے ختنہ نہ کراوݨ دے سببّوں مُردہ ہَوے، پر خُدا تُہاکُوں مسیح نال زندہ کیتے۔ اُوں ساڈے سارے گُناہ معاف کر ڈِتے

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔