اِفِسیوں 2:10 - کِتاب مُقدّس سرائیکی ترجمہ

¹⁰ کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

اِفِسیوں 2:10 Iomraidhean Croise

متّی 5:16

اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

یُوحنّا 3:21

پر جیہڑا سچائی دے کم کریندے، او نُور دے کولھ آندے تاں جو ظاہر تھیوے جو اُوندے کم خُدا دے ذریعے کیتے گئے ہِن۔“

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔

اعمال 9:36

تے یافا ءچ ہِک شاگردہ ہئی جِیندا ناں تبِیتا ہئی جِیندا مطلب ہرنی ہے، او بہُوں ای نیک کم کریندی تے خیرات کریندی راہندی ہئی۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

1کُرِنتھِیوں 3:9

کیوں جو اساں رَل تے خُدا دے کم کرݨ آلے ہیں تے تُساں خُدا دی کھیتی ہیوے۔ تے تُساں خُدا دا گھر وی ہیوے۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

2کُرِنتھِیوں 5:5

خُدا خود ساکُوں اِیں مقصد کیتے بنڑایا ہے تے رُوح القُدس ساکُوں آوݨ آلیاں چیزاں دے بیعانہ ءچ ڈِتا۔

2کُرِنتھِیوں 9:8

خُدا تُہاڈے اُتے ہر طرحاں دا فضل کثرت نال کر سگدے، تاں جو تُہاڈے کولھ ہمیشاں ہر چیز ضرورت کنُوں زیادہ ہووے تے ہر ہِک نیک کم کیتے تُہاڈے کولھ بہُوں کُجھ موجود ہووے۔

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

اِفِسیوں 1:4

اُوں دُنیا بنڑاوݨ کنُوں پہلے ای ساکُوں مسیح ءچ چُنڑ گِھدا تاں جو اساں اُوندے حضُور پاک تے بے عیب تھیؤں۔ محبت ءچ

اِفِسیوں 2:13

پر تُساں جیہڑے پہلے دُور ہَوے ہُنڑ یسُوع مسیح ءچ اُوندے خون دے وسیلے خُدا دے نیڑے گِھن آئے گئے ہیوے۔

اِفِسیوں 2:15

کیوں جو اُوں شریعت کُوں اُوندے حُکماں تے قانُوناں سمیت ختم کر ڈِتے، تاں جو یہُودی تے غیر یہُودی کُوں آپنڑے آپ ءچ ہِک نواں اِنسان بنڑا تے صُلح کرا ڈیوے۔

اِفِسیوں 2:2

تے دُنیا دے طور طریقے اُتے چلدے تے ہوائی طاقتاں دے سردار یعنی ابلیس دی پیروی کریندے ہَوے۔ ایہ رُوح ہُنڑ تئیں نافرمان لوکاں ءچ تاثیر رکھیندی ہے۔

اِفِسیوں 2:6

خُدا ساکُوں مسیح یسُوع نال زندہ کر تے اسمانی مقاماں ءچ اُوندے نال بِلھایا،

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اِفِسیوں 4:24

تے نوِیں فطرت کُوں پا گِھنو جیہڑی سچی راستبازی تے پاکیزگی ءچ خُدا دی صورت اُتے پیدا کیتی گئی ہے۔

فِلِپّیوں 1:6

تے میکُوں اِیں گالھ دا یقین ہے جو خُدا، جئیں تُساں لوکاں ءچ نیک کم شروع کیتے، او اُونکُوں یسُوع مسیح دے واپس آوݨ دے ڈینہہ تئیں پُورا کر ڈیسی۔

فِلِپّیوں 2:13

کیوں جو او خُدا ای ہے جیہڑا تُہاڈے ءچ آپنڑا نیک اِرادہ پُورا کرݨ دی نیّت تے طاقت پیدا کریندے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

کلُسِّیوں 3:10

تے نوِیں فطرت کُوں کپڑے وانگُوں پا گِھدے، جیہڑی علم حاصل کریندے ہوئے آپنڑے خالق دی صورت اُتے نویں بنڑ دی ویندی ہے۔

2تھِسّلُنیکیوں 2:17

تُہاڈے دِلاں کُوں تسلی بخشے تے ہر نیک کم تے کلام ءچ تُہاکُوں مضبوط کرے۔

1 تِیمُتھِیُس 2:10

بلکہ آپنڑے آپ کُوں نیک کماں نال سنوارݨ جِینویں خُدا پرستی دا دعویٰ کرݨ آلیاں عورتاں کُوں مناسب ہے۔

1 تِیمُتھِیُس 5:10

تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔

1 تِیمُتھِیُس 5:25

اِینویں ای کُجھ نیک کم صاف نظر آندے ہِن تے جیہڑے صاف نظر نئیں آندے او لُکے نئیں رہ سگدے۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

2 تِیمُتھِیُس 2:21

بس جے کوئی آپنڑے آپ کُوں اِنہاں بے ہُودہ گالھیں کنُوں پاک صاف رکھیسی تاں او عزت کیتے اِستعمال تھیوݨ آلے تھاں وانگُوں بنڑ ویسی۔ او مُقدّس ہوسی، آپنڑے مالک دے کم آسی تے ہر نیک کم کیتے تیار تھیسی۔

2 تِیمُتھِیُس 3:17

تاں جو خُدا دا بندہ کامِل بنڑے تے ہر ہِک نیک کم کرݨ کیتے تیار تھی ونجے۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

طِطُس 3:14

ساڈے لوکاں کُوں وی چاہیدے جو او چنگے کماں ءچ لگے راہونڑا سِکھنڑ تاں جو ضرورتاں کُوں پُورا کر سگنڑ تے بے پھل زندگی نہ گُزارݨ۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

عبرانیوں 10:24

تے آؤ اساں غور کرُوں جو کِینویں ہِک ڈُوجھے کُوں محبت تے نیک کم کرݨ کیتے اُبھار سگدے ہیں۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

1 یُوحنّا 2:6

جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔