اِفِسیوں 1:7 - کِتاب مُقدّس سرائیکی ترجمہ

⁷ ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

اِفِسیوں 1:7 Iomraidhean Croise

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

متّی 26:28

کیوں جو ایہ میڈا خون ہے، عہد دا او خون جیہڑا بہُوں ساریاں دے گُناہاں دی معافی کیتے وہایا ویندے۔

متّی 6:12

تے جِینویں اساں آپنڑے قصُورواراں کُوں معاف کیتے تُوں وی ساڈے قصُور معاف کر۔

مرقس 14:24

اُوں اُنہاں کُوں آکھیا، ”ایہ خُدا دے عہد کُوں قائم کرݨ آلا میڈا خون ہے جیہڑا بہُوں ساریاں کیتے وہایا ویندے۔

لُوقا 1:77

تاں جو اُوندے لوکاں کُوں نجات دا علم بخشیں جیہڑا اُنہاں کُوں گُناہاں دی معافی تُوں حاصل تھیوے۔

لُوقا 24:47

تے اُوندے ناں ءچ یروشلیم کنُوں شروع کر تے ساریاں قوماں ءچ توبہ تے گُناہاں دی معافی دی تبلیغ کیتی ویسی۔

یُوحنّا 20:23

جِنہاں دے گُناہ تُساں معاف کریسو، اُنہاں دے معاف کیتے ویسن تے جِنہاں دے گُناہ معاف نہ کریسو، او معاف نہ کیتے ویسن۔“

اعمال 10:43

سارے نبی اِیں بندے دے بارے ءچ گواہی ڈیندن جو جیہڑا کوئی اُوندے اُتے اِیمان گِھن آسی، اُوندے ناں نال گُناہاں تُوں معافی پیسی۔“

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

اعمال 3:19

بس توبہ کرو تے رجُوع گِھن آؤ تاں جو تُہاڈے گُناہ مِٹائے ونجنڑ تے خُداوند دی طرفوں تُہاڈے کیتے رُوحانی تازگی دا وقت آوے،

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

رومیوں 3:24

پر خُدا دے فضل دے سببّوں مُفت راستباز کھڑائے ویندے ہِن، اُوں مخلصی دے ذریعے جیہڑی یسُوع مسیح دے وسیلہ مِلدی ہے۔

رومیوں 3:25

خُدا اُونکُوں مقرر کیتا جو او آپنڑے خون دے سببّوں ایجھا کفارہ بنڑ ونجے جیہڑا اِیمان گِھن آوݨ آلے کیتے فائدہ مند ہووے۔ ایہ خُدا آپنڑی راستبازی ظاہر کرݨ کیتے کیتا، کیوں جو اُوں بہُوں صبر تے برداشت نال اُنہاں گُناہاں دی سزا نہ ڈِتی جیہڑے ماضی ءچ تھئے ہَن۔

رومیوں 9:23

تاں جو آپنڑے جلال دی دولت اُنہاں دے ذریعے ظاہر کرے جِنہاں اُتے رحم تھیسی، جیہڑے جلال کیتے پہلے کنُوں تیار کیتے ہَن۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

اِفِسیوں 1:14

رُوح القُدس ساڈی میراث دا بیعانہ ہے جئیں تئیں ساکُوں مخلصی نہ مِل ونجے، تاں جو خُدا دے جلال دی تعریف کیتی ونجے۔

اِفِسیوں 1:18

تے تُہاڈے دل دے اکھیں روشن تھی ونجنڑ تاں جو تُساں جاݨ گِھنو جو خُدا تُہاکُوں کیجھی اُمید کیتے سڈے تے مُقدّساں کیتے اُوندے جلال آلی میراث دی دولت کیجھی ہے،

اِفِسیوں 1:6

تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

اِفِسیوں 1:8

جیہڑا اُوں بہُوں حِکمت تے دانائی نال ساڈے اُتے کثرت نال نازل کیتا۔

اِفِسیوں 2:4

پر خُدا جیہڑا بہُوں ای رحم کرݨ آلا ہے، اُوں ساڈے نال ایجھی محبت رکھی جو

اِفِسیوں 2:7

تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

اِفِسیوں 3:16

میں دُعا کریندا ہاں جو او آپنڑے جلال دی دولت دے مطابق تُہاکُوں ایہ بخشے جو تُساں اُوندے رُوح القُدس دے ذریعے آپنڑے آپ ءچ بہُوں زور آور تھی ونجو،

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

فِلِپّیوں 4:19

میڈا خُدا آپنڑے جلال آلی دولت ءچوں یسُوع مسیح دے ذریعے تُہاڈیاں ساریاں ضرورتاں پُوریاں کر ڈیسی۔

کلُسِّیوں 1:14

جیندے وسیلے نال ساکُوں مخلصی یعنی گُناہاں تُوں معافی مِلی ہے۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

کلُسِّیوں 2:13

تُساں تاں آپنڑے گُناہاں دے سببّوں تے ختنہ نہ کراوݨ دے سببّوں مُردہ ہَوے، پر خُدا تُہاکُوں مسیح نال زندہ کیتے۔ اُوں ساڈے سارے گُناہ معاف کر ڈِتے

کلُسِّیوں 2:2

تاں جو اُنہاں دے دِلاں کُوں حوصلہ تھیوے تے او آپس دی محبت ءچ ہِک ڈُوجھے نال بدھے راہوݨ، تے اعتماد دی ساری دولت کُوں پاوݨ جیہڑی پُوری سمجھ نال مِلدی ہے، تے خُدا دے راز کُوں پچھاݨ گِھننڑ جیہڑا مسیح خود ہے۔

1 تِیمُتھِیُس 2:6

جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا۔ اِینویں اُوں مقرر وقت اُتے اِیں گالھ دی گواہی ڈِتی۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

طِطُس 3:6

خُدا رُوح القُدس کُوں ساڈے نجات ڈیوݨ آلے یسُوع مسیح دے وسیلے ساڈے اُتے بہُوں فیاضی نال نازل کیتا،

عبرانیوں 9:22

اصل ءچ شریعت دے مطابق تقریباً سبھ چیزاں خون نال پاک کیتیاں ویندیاں ہِن تے جِیں ویلے تئیں خون نہ وہایا ونجے معافی نئیں مِلدی۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1 یُوحنّا 2:12

بالو! مَیں تُہاکُوں اِیں واسطے لِکھدا پِیا ہاں جو مسیح دے ناں دے وسیلے نال تُہاڈے گُناہ معاف کر ڈِتے گئے ہِن۔

1 یُوحنّا 2:2

اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

مُکاشفہ 14:4

ایہ او لوک ہِن جِنہاں آپنڑے آپ کُوں عورتاں نال ناپاک نئیں کیتا بلکہ کنوارے ہِن۔ ایہ او ہِن جیہڑے لیلے دے پِچُھوں پِچُھوں ٹُردے ہِن، جِتھاں وی او ویندے۔ او آدمیاں ءچوں مُل گِھدے گئے ہِن تاں جو او خُدا تے لیلے کیتے فصل دا پہلے پھل ہووݨ۔

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔