اِفِسیوں 1:21 - کِتاب مُقدّس سرائیکی ترجمہ

²¹ تے اُونکُوں ہر قِسم دی حکُومت تے اِختیار تے قُدرت تے ریاست بلکہ ہر ہِک ناں کنُوں اُچا کیتا، نہ صرف اِیں جہان ءچ بلکہ آوݨ آلے جہان ءچ وی۔

اِفِسیوں 1:21 Iomraidhean Croise

متّی 12:32

تے جے کوئی اِبنِ آدم دے خلاف کوئی گالھ کریسی اُونکُوں معاف کیتا ویسی، پر جیہڑا رُوح القُدس دے خلاف کوئی گالھ کریسی او اُونکُوں معاف نہ کیتی ویسی نہ اِیں جہان ءچ نہ آوݨ آلے ءچ۔

اعمال 4:12

تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

اِفِسیوں 2:2

تے دُنیا دے طور طریقے اُتے چلدے تے ہوائی طاقتاں دے سردار یعنی ابلیس دی پیروی کریندے ہَوے۔ ایہ رُوح ہُنڑ تئیں نافرمان لوکاں ءچ تاثیر رکھیندی ہے۔

اِفِسیوں 3:10

خُدا دا مقصد ہا جو ہُنڑ کلیسیا دے وسیلے نال اُوندی ہر طرحاں دی حِکمت، اُنہاں حکُومت آلیاں تے اِختیار آلیاں اُتے ظاہر تھی ونجے جیہڑے اسمانی مقاماں ءچ ہِن۔

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

کلُسِّیوں 2:10

تے تُساں مسیح ءچ معمُور تھی گئے ہیوے جیہڑا ہر حکُومت تے اِختیار دا سر ہے۔

کلُسِّیوں 2:15

تے حُکمراناں تے اِختیار آلیاں دے ہتھیاراں کُوں گِھن تے صلیب دے وسیلے اُنہاں اُتے فتح پائی تے اُنہاں دا کُھلے عام تماشا بنڑایا۔

عبرانیوں 1:4

اِینویں او فرشتیاں کنُوں اِتنا بزُرگ تھی گِیا جِتنا اُوں اُنہاں کنُوں افضل ناں میراث ءچ پایا۔

عبرانیوں 2:5

خُدا اُوں آوݨ آلی دُنیا کُوں جِیندا ذِکر اساں کریندے ہیں، فرشتیاں دے تابع نئیں کیتا۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔