کلُسِّیوں 4:3 - کِتاب مُقدّس سرائیکی ترجمہ

³ تے ساڈے کیتے وی دُعا کرو جو خُدا ساڈے کیتے کلام سُنڑاونڑ دا دروازہ کھول ڈیوے تاں جو مَیں مسیح دے راز دی تبلیغ کر سگاں جیندی وجہ کنُوں قید ءچ ہاں۔

کلُسِّیوں 4:3 Iomraidhean Croise

متّی 13:11

اُوں جواب ءچ آکھیا، ”تُہاکُوں تاں اسمان دی بادشاہی دے راز سمجھنڑ دی قابلیت ڈِتی گئی ہے پر اُنہاں کُوں نئیں ڈِتی گئی۔

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

1کُرِنتھِیوں 16:9

کیوں جو اِتھاں میڈے کیتے تبلیغ کرݨ دا ہِک وڈا دروازہ کُھلیا پِیا ہے، بےشک مخالفت کرݨ آلے وی بہُوں ہِن۔

1کُرِنتھِیوں 4:1

بس لوک ساکُوں مسیح دا خادم تے خُدا دے راز ڈساوݨ دا مُختار سمجھنڑ۔

2کُرِنتھِیوں 2:12

جِیں ویلے مَیں مسیح دی خوشخبری دی تبلیغ کیتے تروآس پُجیا تاں خُداوند میڈے کیتے خدمت دا دروازہ کھول ڈِتا ہا۔

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

اِفِسیوں 3:3

یعنی ایہ جو خُدا آپنڑا بھید میڈے اُتے مُکاشفے ءچ ظاہر کیتا، جِینویں میں پہلے تُہاکُوں لِکھیا ہے۔

اِفِسیوں 3:4

او پڑھ تے تُہاکُوں پتہ لگسی جو مَیں مسیح دے بھید کُوں سمجھدا ہاں۔

اِفِسیوں 3:9

تے سارے لوکاں اُتے اُوں بھید آلا منصوبہ ظاہر کراں جیہڑا پُرانڑے زمانیاں ءچ ہر چیز کُوں پیدا کرݨ آلے خُدا دے کولھ لُکیا ہویا ہا۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

فِلِپّیوں 1:19

کیوں جو مَیں جانڑدا ہاں جو تُہاڈی دُعا تے یسُوع مسیح دے رُوح القُدس دی مدد نال اِیندا انجام میڈی رہائی ہوسی۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

کلُسِّیوں 1:26

یعنی او راز جیہڑا سارے زمانیاں تے نسلاں کنُوں لُکیا ریہا، پر ہُنڑ خُدا دے مُقدّساں اُتے ظاہر تھئے۔

کلُسِّیوں 4:18

مَیں پولُس آپنڑے ہتھ نال تُہاکُوں سلام لِکھدا پِیا ہاں۔ میڈے زنجیراں کُوں یاد رکھائے۔ خُدا دا فضل تُہاڈے نال راہوے۔

1تھِسّلُنیکیوں 5:25

بِھراؤ! ساڈے کیتے وی دُعا کرو۔

2 تِیمُتھِیُس 1:16

اُنیسِفرُس دے خاندان اُتے خُداوند دی رحمت تھیوے کیوں جو اُوں بہُوں دفعہ میکُوں تازہ دم کیتے تے میڈیاں قید دیاں زنجیراں کنُوں کڈھائیں نئیں شرمایا۔

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

فِلیمون 1:22

ہِک بئی گزارش ایہ وی ہے جو میڈے راہنڑ کیتے جاہ تیار رکھیں کیوں جو میکُوں اُمید ہے جو تُہاڈیاں دُعاواں دے وسیلے مَیں قید کنُوں چُھٹ تے تُہاڈے ءچ آ ویساں۔