کلُسِّیوں 4:2 - کِتاب مُقدّس سرائیکی ترجمہ

² شُکرگزاری تے بیداری نال دُعا کرݨ ءچ مصروف راہو۔

کلُسِّیوں 4:2 Iomraidhean Croise

متّی 26:41

جاگدے تے دُعا کریندے راہو تاں جو ازمائش ءچ نہ پوو۔ رُوح تاں تیار ہے پر جِسم کمزور ہے۔“

مرقس 13:33

خبردار! جاگدے تے دُعا کریندے راہو کیوں جو تُساں نئیں جانڑدے جو او وقت کِیں ویلے آسی۔

لُوقا 18:1

وَل یسُوع شاگرداں کُوں سِکھاوݨ کیتے جو ہر ویلے دُعا کریندے راہوݨ تے ہِمت نئیں ہارنڑی چاہیدی، ایہ مثال سُنڑائی:

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

اعمال 1:14

ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

فِلِپّیوں 4:6

کہیں گالھ دی فِکر نہ کرو، بلکہ ہر حالت ءچ دُعا تے مِنت دے ذریعے تُہاڈیاں درخاستاں خُدا دے سامنڑے شُکرگزاری نال پیش کیتیاں ونجنڑ۔

کلُسِّیوں 1:9

اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

کلُسِّیوں 3:15

تے مسیح دے اِطمینان کُوں آپنڑے دِلاں اُتے حکُومت کرݨ ڈیؤ، کیوں جو تُساں ہِک بدن ہوندے ہوئے صُلح نال راہوݨ کیتے سڈے گئے ہیوے، تے تُساں شُکر گُزار راہو۔

کلُسِّیوں 3:17

تے جیہڑا کُجھ تُساں آدھے یا کریندے ہیوے خُداوند یسُوع دے ناں نال کرو تے اُوندے وسیلے نال خُدا باپ دا شُکر ادا کرو۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔