کلُسِّیوں 3:8 - کِتاب مُقدّس سرائیکی ترجمہ

⁸ پر ہُنڑ تُساں اِنہاں ساریاں کُوں چھوڑ ڈیؤ یعنی کاوڑ، ناراضگی، بُغض، بدگوئی، تے آپنڑے مُنہ کنُوں مندھے کڈھنڑ۔

کلُسِّیوں 3:8 Iomraidhean Croise

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

مرقس 7:22

زِنا کاریاں، لالچ، بدکاری، مکر، شہوت پرستی، بدنظری، بدگوئی، شیخی تے حماقت نِکلدے ہِن۔

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

گلتِیوں 5:15

جے تُساں ہِک ڈُوجھے کُوں چِیر پھاڑ تے کھاندے ہیوے تاں خبردار، کِتھائیں اِینویں نہ تھیوے جو ہِک ڈُوجھے کُوں ختم کر ڈیؤ۔

گلتِیوں 5:20

بُت پرستی، جادُوگری، دُشمنڑی، جھیڑے، حسد، کاوڑ، خود غرضی، نا اتفاقی، پارٹی بازی،

گلتِیوں 5:26

اساں غیر مناسب فخر، ہِک ڈُوجھے کُوں بھڑکاوݨ تے ہِک ڈُوجھے کنُوں حسد کرݨ چھوڑ ڈیؤں۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

اِفِسیوں 4:25

اِیں واسطے کُوڑ مارݨ چھوڑ تے ہر بندہ آپنڑے ہمسائے نال سچ بولے کیوں جو اساں سارے ہِک بدن دے اَنگ ہیں۔

اِفِسیوں 4:26

غُصے ءچ آ تے گُناہ نہ کرو تے تُہاڈا غُصہ سِجھ لہوݨ تئیں نہ راہوے۔

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

اِفِسیوں 5:4

تے نہ ای شرم آلے گالھیں، بَک بَک یا گندے گالھیں ہووݨ، کیوں جو ایہ مناسب نئیں بلکہ تُہاڈی زبان اُتے شُکرگزاری ہووے۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

کلُسِّیوں 3:9

ہِک ڈُوجھے نال کُوڑ نہ بولو کیوں جو تُساں آپنڑی پُرانڑی فطرت کُوں اُوندے کماں سمیت لہا ڈِتے۔

1 تِیمُتھِیُس 1:13

بھانویں مَیں پہلے کُفر بَکنڑ آلا، اِیمانداراں کُوں ستاوݨ تے بے عزت کرݨ آلا ہم، پر خُدا میڈے اُتے رحم کیتا کیوں جو مَیں اِیمان گِھن آوݨ کنُوں پہلے تے نادانی ءچ ایہ سبھ کُجھ کیتا ہا۔

1 تِیمُتھِیُس 1:20

اُنہاں ءچ ہُمِنِیُس تے سکندر وی ہِن، جِنہاں کُوں مَیں شیطان دے حوالے کر ڈِتے تاں جو او کُفر بَکنڑ کنُوں باز راہونڑا سِکھنڑ۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

یعقُوب 2:7

کیا ایہ لوک مسیح دے ناں دی توہین نئیں کریندے جیندے ناں تُوں تُساں اکھویندے ہیوے؟

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

2 پطرس 2:7

پر راستباز لُوط کُوں بچایا جیہڑا بدکاراں دے گندے چال چلنڑ تُوں تنگ ہا۔

یہُوداہ 1:13

ایہ سمندر دیاں بے قابو چھلاں ہِن جیہڑیاں آپنڑی بے شرمی دی جَھگ مریندیاں ہِن۔ ایہ او اوارہ تارے ہِن جِنہاں کیتے اندھاری جاہ ہمیشاں کیتے مقرر کر ڈِتی گئی ہے۔

یہُوداہ 1:8

اِیندے باوجود ایہ لوک آپنڑی خوش فہمی ءچ رہ تے آپنڑے جِسم کُوں ناپاک کریندے ہِن، ہر اِختیار کُوں حقیر جانڑدے ہِن تے جلالی ہستیاں دی توہین کریندے ہِن۔

مُکاشفہ 16:9

لوک گرمی دی شِدت پارُوں سڑ گئے تے خُدا دے ناں دی توہین کرݨ لگے، جیہڑا اِنہاں آفتاں اُتے اِختیار رکھیندے۔ اُنہاں توبہ کرݨ تے خُدا دی تعریف کرݨ تُوں اِنکار کر ڈِتا۔