کلُسِّیوں 3:1 - کِتاب مُقدّس سرائیکی ترجمہ

¹ تُساں مسیح نال زندہ کیتے گئے، اِیں واسطے اُنہاں چیزاں دی خواہش ءچ راہو جیہڑیاں اسمان اُتے ہِن، جِتھاں مسیح خُدا دے سجے پاسُوں بیٹھے۔

کلُسِّیوں 3:1 Iomraidhean Croise

متّی 22:44

’رب میڈے مالک کُوں آکھیا میڈے سجے پاسُوں بہہ جئیں تئیں مَیں تیڈے دُشمنڑاں کُوں تیڈے پیراں دے تلے نہ کر ڈیواں؟‘

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

متّی 6:20

بلکہ آپنڑے کیتے اسمان اُتے خزانہ جمع کرو جِتھاں کیڑا تے زنگ خراب نئیں کریندا تے نہ چور سَندھ مار تے چوری کریندے ہِن۔

متّی 6:33

پر پہلے تُساں خُدا دی بادشاہی تے راستبازی دی گولھ ءچ راہو تاں ایہ سبھ چیزاں وی تُہاکُوں مِل ویسن۔

مرقس 12:36

داؤد خود رُوح القُدس دی ہدایت نال آکھیا جو ’رب میڈے مالک کُوں آکھیا میڈے سجے پاسُوں بہہ جئیں تئیں مَیں تیڈے دُشمنڑاں کُوں تیڈے پیراں دے تلے نہ کر ڈیواں۔‘

مرقس 14:62

یسُوع جواب ڈِتا، ”ہاں مَیں ہاں، تے تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

لُوقا 12:33

آپنڑا مال ویچ تے خیرات کر ڈیؤ۔ تے آپنڑے کیتے ایجھے بٹوے بنڑاؤ جیہڑے پُرانڑے نئیں تھیندے یعنی اسمان اُتے ایجھا خزانہ جیہڑا خالی نئیں تھیندا، جِتھاں چور نئیں پُج سگدا تے کیڑا خراب نئیں کریندا۔

لُوقا 20:42

داؤد تاں خود زبُور ءچ اکھیندے جو ’رب میڈے مالک کُوں آکھیا میڈے سجے پاسُوں بہہ۔

لُوقا 22:69

پر ہُنڑ کنُوں اِبنِ آدم قادر ِ مُطلق خُدا دے سجے پاسُوں بیٹھا راہسی۔“

اعمال 2:34

کیوں جو داؤد تاں اسمان اُتے نئیں چڑھیا پر او آپ آدھے جو ’رب میڈے خُداوند کُوں آکھیا، میڈے سجے پاسُوں بہہ،

اعمال 7:55

پر ستِفُنس رُوح القُدس نال بھریج تے اسمان دو غور نال نِگاہ کیتی تے خُدا دے جلال تے یسُوع کُوں خُدا دے سجے پاسُوں کھڑا ڈیکھ تے

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

رومیوں 8:6

جِسمانی نیّت موت ہے پر رُوحانی نیّت زندگی تے اِطمینان ہے۔

2کُرِنتھِیوں 4:18

اِیں واسطے اساں نظر آوݨ آلیاں چیزاں اُتے نئیں بلکہ نظر نہ آوݨ آلیاں چیزاں اُتے غور کریندے ہیں کیوں جو نظر آوݨ آلیاں چیزاں عارضی ہِن پر نظر نہ آوݨ آلیاں ابدی ہِن۔

اِفِسیوں 4:10

تے جیہڑا تلے لتھا، او اُوہو ہے جیہڑا ساریاں اسماناں کنُوں وی اُتے چڑھ گِیا تاں جو پُوری کائنات کُوں بھر ڈیوے۔

اِفِسیوں 5:22

ذالو! آپنڑے پایاں دے تابع راہو جِینویں خُداوند دے تابع ہیوے۔

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

کلُسِّیوں 3:2

اسمان دیاں چیزاں دے خیال ءچ راہو نہ جو زمین دیاں چیزاں دے۔

عبرانیوں 1:13

خُدا فرشتیاں ءچوں کہیں دے بارے ءچ ایہ کڈھاں آکھیا جو ”تُوں میڈے سجے پاسُوں بہہ جئیں تئیں مَیں تیڈے دُشمنڑاں کُوں تیڈے پیراں دی چوکی نہ بنڑا ڈیواں ؟“

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

عبرانیوں 10:12

پر مسیح گُناہاں کُوں مِٹاوݨ کیتے ہِکو قُربانی پیش کیتی جیہڑی ہمیشاں کیتے ہے تے وَل خُدا دے سجے پاسُوں وَنج بیٹھا۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 8:1

جیہڑے گالھیں اساں ہُنڑ اکھیندے پئے ہیں، اُنہاں ءچوں مرکزی گالھ ایہ ہے جو ساڈا ایجھا کاہِن ِ اعظم ہے جیہڑا اسمان اُتے عظیم خُدا دے تخت دے سجے پاسے وَنج بیٹھے،

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔