کلُسِّیوں 1:18 - کِتاب مُقدّس سرائیکی ترجمہ

¹⁸ اُوہو بدن یعنی کلیسیا دا سر ہے۔ اُوہو مُنڈھ ہے تے مُردیاں ءچوں زندہ تھیوݨ آلیاں ءچوں پلوٹھا، تاں جو سارے گالھیں ءچ اُوندا درجہ پہلا ہووے۔

کلُسِّیوں 1:18 Iomraidhean Croise

متّی 23:8

پر تُساں ربّی نہ اکھواؤ کیوں جو تُہاڈا اُستاد ہِکو ہے یعنی مسیح، تے تُساں سبھ بِھرا ہیوے۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

یُوحنّا 1:1

ابتدا ءچ کلام ہا تے کلام خُدا دے نال ہا تے کلام خُدا ہا۔

یُوحنّا 1:16

او فضل کنُوں بھریا ہا تے اساں اُوندے فضل ءچوں فضل اُتے فضل پایا۔

یُوحنّا 1:27

او میڈے بعد آوݨ آلا ہے تے مَیں تاں اُوندی جُتی دا تسمہ کھولنڑ دے وی لائق نئیں۔“

اعمال 26:23

جو المسیح ضرور ڈُکھ چیسی تے ساریاں کنُوں پہلے مُردیاں ءچوں زندہ تھی تے اِیں اُمت تے غیر قوماں کُوں نُور دا پیغام ڈیسی۔“

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

1کُرِنتھِیوں 11:3

پر مَیں چاہندا ہاں جو تُساں ایہ وی جاݨ گِھنو جو ہر مرد دا سر مسیح ہے تے عورت دا سر مرد ہے تے مسیح دا سر خُدا ہے۔

1کُرِنتھِیوں 12:27

بس تُساں رَل تے مسیح دا بدن ہیوے تے کلھے کلھے اُوندے اَنگ ہیوے۔

1کُرِنتھِیوں 15:25

کیوں جو مسیح کُوں اُوں ویلے تئیں بادشاہی کرݨ ضرور ہے جئیں تئیں او سارے دُشمنڑاں کُوں آپنڑے پیراں تلے نہ کر گِھنے۔

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

اِفِسیوں 5:23

کیوں جو پایا ذال دا سر ہے، جِینویں مسیح آپنڑے بدن یعنی کلیسیا دا سر ہے تے اُوہو اُوندا نجات ڈیوݨ آلا ہے۔

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

کلُسِّیوں 2:19

او مسیح کُوں جیہڑا بدن دا سر ہے پکڑی نئیں رکھیا، جیندے نال سارا بدن پرورش پا تے، تے جوڑاں تے پٹھیاں دے ذریعے آپس ءچ جُڑ تے خُدا دی مدد نال ودھدا ویندے۔

1 یُوحنّا 1:1

اساں زندگی دا او کلام بیان کریندے ہیں جیہڑا شروع کنُوں ہا، جِینکُوں اساں سُنڑیا تے آپنڑے اکھیں نال ڈِٹھا تے غور نال نظر کیتی بلکہ ہتھ لا تے ڈِٹھا۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 1:8

خُداوند خُدا جیہڑا ہے، جیہڑا ہا تے جیہڑا آوݨ آلا ہے یعنی قادر ِ مُطلق فرمیندے، ”الفا تے اومیگا مَیں ہاں۔“

مُکاشفہ 11:15

جِیں ویلے ستویں فرشتے آپنڑا نرسِنگا وجایا تاں اسمان کنُوں اُچیاں اوازاں آوݨ لگیاں جیہڑیاں ایہ آدھیاں پئیاں ہَن، ”دُنیا دی بادشاہی ساڈے خُداوند تے اُوندے مسیح دی تھی گئی ہے تے او ہمیشاں تئیں بادشاہی کریندا راہسی۔“

مُکاشفہ 21:6

وَل اُوں میکُوں آکھیا جو ”مکمل تھی گِیا! مَیں الفا تے اومیگا، ابتدا تے اِنتہا ہاں۔ مَیں ترِسّے کُوں زندگی دے پانڑی دے چشمہ ءچوں مُفت پِلیساں۔

مُکاشفہ 22:13

الفا تے اومیگا، اوّل تے آخر، ابتدا تے اِنتہا مَیں ہاں۔

مُکاشفہ 3:14

لَودِیکیہ دی کلیسیا دے فرشتہ کُوں لِکھ جو جیہڑا آمین ہے تے وفادار تے سچا گواہ تے جیندے وسیلے خُدا سبھ کُجھ بنڑائے، اُوہو ایہ فرمیندے جو