اعمال 9:13 - کِتاب مُقدّس سرائیکی ترجمہ

¹³ حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔

اعمال 9:13 Iomraidhean Croise

متّی 10:16

ڈیکھو مَیں تُہاکُوں بھجیندا ہاں جِینویں بھیڈاں کُوں نہراں ءچ۔ اِیں واسطے تُساں نانگاں وانگُوں ہوشیار تے کبوتراں وانگُوں بھولے بنڑو۔

اعمال 22:4

مَیں مسیح دی راہ اُتے چلنڑ آلیاں کُوں ستایا، ایہ تئیں جو قتل وی کیتا۔ مَیں مرداں تے عورتاں ڈوہائیں کُوں بَدھ بَدھ تے قید خانہ ءچ سٹوا ڈِتا۔

اعمال 8:3

پر ساؤل کلیسیا کُوں تباہ کریندا ریہا۔ او گھر گھر وَنج تے مرداں تے عورتاں کُوں گِھیل تے قید کرویندا ہا۔

اعمال 9:1

ساؤل جیہڑا ہُنڑ تئیں خُداوند دے شاگرداں کُوں دھمکاوݨ تے قتل کرݨ دی دُھن ءچ ہا، کاہِن ِ اعظم کولھ گِیا،

اعمال 9:21

سبھ سُنڑݨ آلے حیران تھی تے آکھنڑ لگے ”کیا ایہ اُوہو بندہ نئیں جیہڑا یروشلیم ءچ اِیں ناں دے گِھننڑ آلیاں کُوں برباد کریندا ہا تے اِتھاں وی اِیں مقصد نال آیا ہا جو اُنہاں کُوں گرفتار کر تے سردار کاہِناں کولھ گِھن ونجے؟“

اعمال 9:32

تے پطرس جاہ جاہ پِھردا ہویا اُنہاں مُقدّساں کولھ وی پُجیا جیہڑے لُدہ ءچ راہندے ہَن۔

اعمال 9:41

اُوں ہتھ پکڑ تے اُونکُوں کھڑا کیتا تے مُقدّساں تے بیوہ عورتاں کُوں سڈ تے تبِیتا کُوں زندہ اُنہاں دے حوالے کیتا۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

رومیوں 15:31

دُعا کرو جو مَیں یہُودیہ دے غیر اِیمانداراں کنُوں بچیا راہاں تے میڈی خدمت یروشلیم دے مُقدّساں کُوں پسند آوے۔

رومیوں 16:15

فِلُلگُس، یُولیہ، نیریُوس تے اُوندی بھینڑ تے اُلُمپاس تے اُنہاں سبھ مُقدّساں کُوں جیہڑے اُنہاں دے نال ہِن، سلام آکھو۔

رومیوں 16:2

جو جِینویں مُقدّساں کُوں چاہیدے تُساں اُونکُوں خُداوند ءچ خوشی نال قبول کرو۔ جِیں کم ءچ اُونکُوں تُہاڈی مدد دی لوڑ ہووے، اُوندی مدد کرو کیوں جو او وی بہُوں ساریاں دی مددگار ریہی ہے بلکہ میڈی وی۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

1کُرِنتھِیوں 14:33

کیوں جو خُدا بدنظمی دا نئیں بلکہ امن دا خُدا ہے۔ تے جِینویں مُقدّساں دی کلیسیا ءچ دستور ہے

1کُرِنتھِیوں 16:1

جیہڑا چندہ مُقدّساں کیتے جمع کیتا ویندے اُوندے بارے ءچ تُساں اِیں ہدایت اُتے عمل کرو جیہڑی مَیں گلِتیہ دیاں کلیسیاواں کُوں کیتی ہے،

1کُرِنتھِیوں 6:5

مَیں تُہاکُوں شرمندہ کرݨ کیتے ایہ آدھا ہاں۔ کیا واقعی تُہاڈے ءچ ہِک وی عقل مند نئیں جیہڑا آپنڑے بِھرانواں دا فیصلہ کر سگے؟

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

فِلِپّیوں 4:22

اِتھاں دے سارے مُقدّس لوک، خاص طور تے قیصر بادشاہ دے گھر آلے تُہاکُوں سلام آدھے ہِن۔

کلُسِّیوں 1:2

ایہ اُنہاں مُقدّساں یعنی مسیح ءچ وفادار بِھرانواں دے ناں ہے جیہڑے کلُسے شہر ءچ ہِن۔ ساڈے خُدا باپ دی طرفوں تُہاکُوں فضل تے اِطمینان حاصل تھیندا راہوے۔

عبرانیوں 13:24

آپنڑے سارے راہنماواں تے سارے مُقدّساں کُوں سلام اکھائے۔ اِطالِیہ مُلک دے بِھرا تُہاکُوں سلام آدھے ہِن۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔