اعمال 8:7 - کِتاب مُقدّس سرائیکی ترجمہ

⁷ کیوں جو بہُوں سارے لوکاں ءچوں بدرُوحاں وڈی اواز نال چیخاں مار تے نِکل گئیاں تے بہُوں سارے مفلُوج تے منڈے چنگے کیتے گئے۔

اعمال 8:7 Iomraidhean Croise

متّی 10:1

وَل یسُوع آپنڑے بارہاں شاگرداں کُوں کولھ سڈ تے اُنہاں کُوں بدرُوحاں کُوں کڈھنڑ تے سبھ بیماریاں تے تکلیفاں کنُوں شِفا ڈیوݨ دا اِختیار بخشیا۔

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

مرقس 9:26

بدرُوح چیخ مار تے، تے چھوہر کُوں بہُوں مروڑ تے نِکل گئی۔ چھوہر مُردے وانگُوں تھی گِیا ایہ تئیں جو بہُوں سارے آکھنڑ پے گئے جو ”او مر گئے۔“

لُوقا 10:17

او ستّر خوش تھی تے وَل آئے تے آکھنڑ لگے، ”مالک! تُہاڈے ناں گِھننڑ نال بدرُوحاں وی ساڈے تابع ہِن۔“

یُوحنّا 14:12

مَیں تُہاکُوں سچ آدھا ہاں جو جیہڑا میڈے اُتے اِیمان رکھیندے او وی اُوہو کم کریسی جیہڑے مَیں کریندا ہاں بلکہ اِنہاں کنُوں وی وڈے کم کریسی کیوں جو مَیں باپ دے کولھ ویندا ہاں۔

اعمال 5:16

تے یروشلیم دے چارے پاسُوں دیاں وستیاں ءچوں بے شمار لوک بیماراں تے اُنہاں کُوں جِنہاں ءچ بدرُوحاں ہَن، آپنڑے نال گِھن آندے ہَن تے او سارے دے سارے چنگے کر ڈِتے ویندے ہَن۔

اعمال 8:6

لوکاں فِلپُس دے معجزے ڈیکھ تے، تے اُوندے گالھیں سُنڑ تے، ہِک دل تھی تے اُوندے دو توجہ کیتی،

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔