اعمال 8:5 - کِتاب مُقدّس سرائیکی ترجمہ

⁵ تے فِلپُس سامریہ شہر ءچ وَنج تے لوکاں ءچ المسیح دی تبلیغ کرݨ لگا۔

اعمال 8:5 Iomraidhean Croise

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 21:8

ڈُوجھے ڈینہہ اساں روانہ تھئے تے قیصریہ ءچ پُج تے فِلپُس ناں دے ہِک بندے دے گھر ٹِکے جیہڑا نجات دی خوشخبری سُنڑیندا ہا تے یروشلیم ءچ چُنڑے ہوئے سَت مددگاراں ءچوں ہا۔

اعمال 5:42

تے او ہیکل تے گھراں ءچ ہر روز تعلیم ڈیوݨ تے اِیں گالھ دی خوشخبری سُنڑاوݨ تُوں باز نہ آئے جو یسُوع ای المسیح ہے۔

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

اعمال 8:1

تے ساؤل اُوندے قتل اُتے راضی ہا۔ اُونہی ڈینہہ اُوں کلیسیا اُتے جیہڑی یروشلیم ءچ ہئی، وڈے ظلم دا سلسلہ شروع تھیّا تے رسُولاں دے علاوہ سارے لوک یہُودیہ تے سامریہ دے چودھارُوں تِتربِتر تھی گئے۔

اعمال 8:26

وَل خُداوند دے فرشتہ فِلپُس کُوں آکھیا جو ”اُٹھی تے جنُوب دو اُوں راہ تئیں وَنج جیہڑی بیابان ءچوں تھی تے یروشلیم تُوں غزہ کُوں ویندی ہے۔“

اعمال 8:30

بس فِلپُس اُوندے دو دِرک تے اُونکُوں یسعیاہ نبی دا صحیفہ پڑھدے سُنڑیا تے آکھیا جو ”جیہڑا کُجھ تُساں پڑھدے ہیوے، کیا اُونکُوں سمجھدے وی ہیوے؟“

اعمال 8:40

وَل فِلپُس اشدُود ءچ وَنج نِکلیا تے قیصریہ ءچ پُجنڑ تئیں سارے شہراں ءچ خوشخبری سُنڑیندا گِیا۔

اعمال 8:6

لوکاں فِلپُس دے معجزے ڈیکھ تے، تے اُوندے گالھیں سُنڑ تے، ہِک دل تھی تے اُوندے دو توجہ کیتی،

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

1کُرِنتھِیوں 1:23

پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

1کُرِنتھِیوں 3:11

کیوں جو جیہڑی بنیاد رکھی گئی ہے او یسُوع مسیح ہے تے اُوندے علاوہ ہُنڑ کوئی بندہ ڈُوجھی بنیاد نئیں رکھ سگدا۔