اعمال 8:3 - کِتاب مُقدّس سرائیکی ترجمہ

³ پر ساؤل کلیسیا کُوں تباہ کریندا ریہا۔ او گھر گھر وَنج تے مرداں تے عورتاں کُوں گِھیل تے قید کرویندا ہا۔

اعمال 8:3 Iomraidhean Croise

اعمال 16:19

جِیں ویلے اُوندے مالکاں ڈِٹھا جو اُنہاں دی کمائی دا ذریعہ ختم تھی گِیا تاں او پولُس تے سِیلاس کُوں پکڑ تے چوک ءچ حاکماں کولھ گِھن گئے۔

اعمال 22:19

مَیں جواب ڈِتا، ’اے خُداوند! ایہ لوک جانڑدے ہِن جو مَیں ہر ہِک عبادت خانہ ءچ ویندا ہم تے کِینویں تیڈے مننڑ آلیاں کُوں قید کرویندا تے کُٹویندا ہم۔

اعمال 7:58

تے اُونکُوں شہر کنُوں باہر کڈھ تے سنگسار کرݨ لگے تے اُوندے خلاف گواہی ڈیوݨ آلیاں آپنڑے کپڑے ساؤل ناں دے ہِک جوان دے پیراں کولھ رکھ ڈِتے۔

اعمال 8:2

کُجھ اِیماندار لوکاں ستِفُنس کُوں دفنایا تے اُوندے اُتے وڈا ماتم کیتا۔

اعمال 9:21

سبھ سُنڑݨ آلے حیران تھی تے آکھنڑ لگے ”کیا ایہ اُوہو بندہ نئیں جیہڑا یروشلیم ءچ اِیں ناں دے گِھننڑ آلیاں کُوں برباد کریندا ہا تے اِتھاں وی اِیں مقصد نال آیا ہا جو اُنہاں کُوں گرفتار کر تے سردار کاہِناں کولھ گِھن ونجے؟“

1کُرِنتھِیوں 15:9

کیوں جو مَیں رسُولاں ءچوں ساریاں کنُوں کمتر ہاں بلکہ رسُول اکھواوݨ دے لائق وی نئیں، اِیں واسطے جو مَیں خُدا دی کلیسیا کُوں سَتیندا ہم۔

گلتِیوں 1:13

تُساں تاں سُنڑیا ہے جو جِیں ویلے مَیں یہُودی طور طریقے دا پابند ہم تاں میڈا چال چلنڑ کیجھا ہا۔ مَیں خُدا دی کلیسیا کُوں کِینویں حد تُوں زیادہ ستیندا تے اُنہاں کُوں تباہ کرݨ دی کوشش کریندا ہم۔

فِلِپّیوں 3:6

تے میں اِتنا غیرت مند ہم جو کلیسیا کُوں ستیندا ہم تے شریعت دی راستبازی دے اعتبار نال بے اِلزام ہم۔

1 تِیمُتھِیُس 1:13

بھانویں مَیں پہلے کُفر بَکنڑ آلا، اِیمانداراں کُوں ستاوݨ تے بے عزت کرݨ آلا ہم، پر خُدا میڈے اُتے رحم کیتا کیوں جو مَیں اِیمان گِھن آوݨ کنُوں پہلے تے نادانی ءچ ایہ سبھ کُجھ کیتا ہا۔

یعقُوب 2:6

پر تُساں غریب دی بے عزتی کیتی۔ کیا دولت مند ای تُہاڈے اُتے ظلم نئیں کریندے تے تُہاکُوں عدالتاں ءچ گِھیل تے نئیں گِھن ویندے؟