اعمال 7:51 - کِتاب مُقدّس سرائیکی ترجمہ

⁵¹ ضِدی لوکو، تُساں دل تُوں تے کَن تُوں اُنہاں آلی کار ہیوے جِنہاں دا ختنہ نہ تھیّا ہووے، تُساں رُوح القُدس دی ہمیشاں مخالفت کریندے ہیوے جِینویں تُہاڈے پِیُو ڈاڈا کریندے ہَن۔

اعمال 7:51 Iomraidhean Croise

اعمال 6:10

پر ستِفُنس رُوح القُدس دی مدد نال اِتنی دانائی نال کلام کریندا ہا جو او اُوندا مُقابلہ نہ کر سگے۔

اعمال 7:27

پر جیہڑا آپنڑے ہمسائے اُتے ظلم کریندا پِیا ہا، اُوں مُوسیٰ کُوں ہِک پاسے دھکا ڈے تے آکھیا جو ’تیکُوں کئیں ساڈے اُتے حاکم تے قاضی مقرر کیتے؟

اعمال 7:35

جئیں مُوسیٰ دا اُنہاں ایہ آکھ تے اِنکار کیتا ہا جو ’کئیں تیکُوں حاکم تے قاضی مقرر کیتا؟‘ اُونہی کُوں خُدا حاکم تے چُھڑاوݨ آلا بنڑا تے اُوں فرشتہ دے ذریعے بھیجیا جیہڑا اُونکُوں جھاڑی ءچ نظریا ہا۔

اعمال 7:39

پر ساڈے پِیُو ڈاڈا اُوندا تابعدار تھیوݨ نہ چاہیا بلکہ اُونکُوں رَد کر ڈِتا تے اُنہاں دے دل مِصر دو ولا لگ گئے۔

اعمال 7:9

بزُرگاں حسد ءچ آ تے یُوسف کُوں مِصریاں دے ہتھ ویچ ڈِتا۔ پر خُدا اُوندے نال ہا،

رومیوں 2:25

ختنہ دا فائدہ تاں ہے پر شرط ایہ ہے جو تُوں شریعت اُتے عمل کریں۔ پر جے تُوں شریعت دی نافرمانی کریندیں تاں تُوں اُنہاں دے برابر ہیں جیہڑے ختنہ نئیں کریندے۔

اِفِسیوں 4:30

خُدا دے رُوح القُدس کُوں ناراض نہ کرو جیندے نال تُہاڈے اُتے مخلصی دے ڈینہہ کیتے مُہر کیتی گئی ہے۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

کلُسِّیوں 2:11

مسیح ءچ آ تے تُہاڈا ایجھا ختنہ تھئے جیہڑا ہتھ نال نئیں بلکہ مسیح دے وسیلے تھئے، جیندے نال تُہاڈی پُرانڑی فطرت تُہاڈے تُوں اَنج کر ڈِتی گئی ہے۔