اعمال 5:42 - کِتاب مُقدّس سرائیکی ترجمہ

⁴² تے او ہیکل تے گھراں ءچ ہر روز تعلیم ڈیوݨ تے اِیں گالھ دی خوشخبری سُنڑاوݨ تُوں باز نہ آئے جو یسُوع ای المسیح ہے۔

اعمال 5:42 Iomraidhean Croise

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

اعمال 20:20

جیہڑے گالھیں تُہاڈے فائدے کیتے ہَن اُنہاں کُوں مَیں بغیر کہیں جِھجک دے بیان کیتا بلکہ اعلانیہ طور تے گھر گھر وَنج تے سِکھایا۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

اعمال 8:35

فِلپُس خُدا دے کلام دی اُوں جاہ تُوں شروع کر تے اُونکُوں یسُوع دے بارے ءچ خوشخبری ڈِتی۔

لُوقا 21:37

یسُوع ہر روز ہیکل ءچ تعلیم ڈیندا ہا، تے رات کُوں باہر وَنج تے اُوں پہاڑ اُتے راہندا ہا جیہڑا زیتون دا اکھویندے،

اعمال 17:3

او اُوندا مطلب واضح کریندا تے ثابت کریندا ہا جو ”المسیح دا ڈُکھ چاوݨ تے مُردیاں ءچوں زندہ تھیوݨ لازمی ہا“ تے ایہ جو ”جِیں یسُوع دی تبلیغ مَیں کریندا ہاں اُوہو المسیح ہے۔“

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

اعمال 4:29

ہُنڑ اے خُداوند! اُنہاں دیاں دھمکیاں کُوں ڈیکھ تے آپنڑے بندیاں کُوں آپنڑا کلام بہُوں جُرأت نال سُنڑاوݨ دی توفیق ڈے۔

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

اعمال 11:20

پر اُنہاں ءچوں کُجھ کُپرُس تے کُرین دے ہَن۔ او انطاکِیہ ءچ آ تے یُونانیاں کُوں وی خُداوند یسُوع دی خوشخبری دے گالھیں سُنڑاوݨ لگے۔

اعمال 8:5

تے فِلپُس سامریہ شہر ءچ وَنج تے لوکاں ءچ المسیح دی تبلیغ کرݨ لگا۔

اعمال 4:20

کیوں جو ممکن نئیں جو اساں جیہڑا کُجھ ڈِٹھا تے سُنڑیا ہے، اُوندا ذِکر نہ کرُوں۔“

لُوقا 22:53

جِیں ویلے مَیں ہر روز ہیکل ءچ تُہاڈے نال ہم تاں تُساں میڈے اُتے ہتھ نہ پایا، پر ایہ تُہاڈی گھڑی تے اندھارے دا اِختیار ہے۔“

اعمال 13:32

تے اساں تُہاکُوں اُوں وعدہ دے بارے ءچ جیہڑا ساڈے پِیُو ڈاڈا نال کیتا گِیا ہا، خوشخبری ڈیندے ہیں

گلتِیوں 1:16

تاں آپنڑے پوتر کُوں میڈے اُتے ظاہر کیتا تاں جو مَیں غیر قوماں کُوں اُوندی خوشخبری سُنڑاواں۔ اُوں ویلے مَیں خون تے گوشت کنُوں صلاح نہ گِھدی،