اعمال 5:2 - کِتاب مُقدّس سرائیکی ترجمہ

² اُوں آپنڑی ذال دے جانڑدے ہوئے قیمت ءچوں کُجھ رقم آپنڑے کولھ رکھ گِھدی تے باقی رقم رسُولاں دے پیراں ءچ رکھ ڈِتی۔

اعمال 5:2 Iomraidhean Croise

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

یُوحنّا 12:6

اُوں ایہ اِیں واسطے نہ آکھیا ہا جو اُونکُوں غریباں دی فِکر ہئی بلکہ اِیں واسطے جو او چور ہا تے اُوندے کولھ پیسے آلی تھیلی ہوندی ہئی تے جیہڑا کُجھ اُوندے ءچ سٹیا ویندا ہا، اُوندے ءچوں او کُجھ کڈھ گِھندا ہا۔

اعمال 2:44

جیہڑے اِیمان گِھن آئے ہَن او سارے کٹھے راہندے تے اُنہاں دیاں سبھ چیزاں سانجھیاں ہَن۔

اعمال 4:37

اُوں آپنڑا کھیت ویچ تے پیسے رسُولاں دے پیراں ءچ رکھ ڈِتے۔

اعمال 5:1

حننیاہ ناں دے ہِک بندے، تے اُوندی ذال سفیرہ آپنڑی کُجھ جائیداد ویچی۔

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

اعمال 5:8

پطرس اُوں کنُوں پُچھیا، ”میکُوں ڈسا، کیا تُساں اِتنے ءچ ای زمین ویچی ہئی؟“ اُوں آکھیا، ”ہاں، اِتنے ءچ ای۔“

فِلِپّیوں 2:3

خود غرضی تے غیر مناسب فخر کنُوں دُور راہو بلکہ حلیمی نال ہِک ڈُوجھے کُوں آپنڑے تُوں چنگا سمجھو۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔