اعمال 5:16 - کِتاب مُقدّس سرائیکی ترجمہ

¹⁶ تے یروشلیم دے چارے پاسُوں دیاں وستیاں ءچوں بے شمار لوک بیماراں تے اُنہاں کُوں جِنہاں ءچ بدرُوحاں ہَن، آپنڑے نال گِھن آندے ہَن تے او سارے دے سارے چنگے کر ڈِتے ویندے ہَن۔

اعمال 5:16 Iomraidhean Croise

متّی 2:16

جِیں ویلے ہیرودیس کُوں پتہ لگیا جو مجُوسیاں میڈے نال دوکھا کیتے تاں اُونکُوں بہُوں کاوڑ لگی۔ اُوں بیت لحم تے اُوندے چودھارُوں سپاہی بھیج تے سارے بالاں کُوں جیہڑے ڈُو سال یا اِیں تُوں چھوٹے ہَن قتل کروا ڈِتا، اُوں ویلے دے حساب نال جیہڑی اُوں مجُوسیاں تُوں تحقیق کیتی ہئی۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

متّی 8:16

جِیں ویلے شام تھئی تاں بہُوں لوکاں کُوں جِنہاں ءچ بدرُوحاں ہَن اُوندے کولھ گِھن آئے۔ اُوں بدرُوحاں کُوں حُکم ڈے تے کڈھ ڈِتا تے سبھ بیماراں کُوں چنگا کر ڈِتا۔

لُوقا 5:17

ہِک ڈینہہ یسُوع تعلیم ڈیندا پِیا ہا تے کُجھ فریسی تے شریعت دے عالم جیہڑے گلیل تے یہُودیہ دی ہر وستی تے یروشلیم کنُوں آئے ہَن، اُتھاں بیٹھے ہَن۔ تے خُداوند دی قُدرت شِفا ڈیوݨ کیتے یسُوع دے نال ہئی۔

لُوقا 6:18

اُوندی سُنڑݨ تے آپنڑیاں بیماریاں کنُوں شِفا پاوݨ کیتے آئے ہَن۔ تے جیہڑے بدرُوحاں دی وجہ کنُوں ڈُکھ تے تکلیف ءچ مُبتلا ہَن او وی چنگے کر ڈِتے گئے۔

لُوقا 9:11

پر جِیں ویلے لوکاں کُوں ایہ پتہ چلیا تاں او اُوندے پِچُھوں اُتھاں پُج گئے۔ او خوشی نال اُنہاں کُوں مِلیا تے اُنہاں نال خُدا دی بادشاہی دے گالھیں کرݨ لگا، تے جِنہاں کُوں شِفا دی ضرورت ہئی اُنہاں کُوں شِفا بخشی۔

یُوحنّا 14:12

مَیں تُہاکُوں سچ آدھا ہاں جو جیہڑا میڈے اُتے اِیمان رکھیندے او وی اُوہو کم کریسی جیہڑے مَیں کریندا ہاں بلکہ اِنہاں کنُوں وی وڈے کم کریسی کیوں جو مَیں باپ دے کولھ ویندا ہاں۔

اعمال 4:30

تے تُوں آپنڑی قُدرت دا اِظہار کر تاں جو تیڈے قدُّوس خادم یسُوع دے ناں نال شِفا، معجزے تے عجیب کم تھیوݨ۔“

اعمال 5:15

اِتُھوں تئیں جو لوک بیماراں کُوں کَھٹاں تے چٹائیاں اُتے گِھن گِھن تے سڑکاں اُتے سَٹ ڈیندے ہَن، تاں جو جِیں ویلے پطرس اُتھوں لنگھے تاں گھٹ و گھٹ اُوندا پرچھانواں ای اُنہاں اُتے پے ونجے۔

اعمال 5:17

اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

1کُرِنتھِیوں 12:9

کہیں کُوں اُونہئی رُوح نال اِیمان دی تے کہیں کُوں شِفا ڈیوݨ دی نعمت مِلدی ہے۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔