اعمال 5:13 - کِتاب مُقدّس سرائیکی ترجمہ

¹³ پر ڈُوجھیاں ءچوں کہیں کُوں جُرأت نہ تھیندی ہئی جو اُنہاں ءچ شامل تھی ونجنڑ، بےشک لوک اُنہاں دی بہُوں عزت کریندے ہَن۔

اعمال 5:13 Iomraidhean Croise

لُوقا 19:48

پر اُنہاں کُوں اِینویں کرݨ دا موقع نہ مِلدا پِیا ہا جو ایہ کِینویں کرݨ کیوں جو سارے لوک اُوندے گالھیں وڈے شوق نال سُنڑدے ہَن۔

یُوحنّا 12:42

وَل وی بہُوں سارے سردار اُوندے اُتے اِیمان تاں گِھن آئے پر فریسیاں دی وجہ کنُوں آپنڑے اِیمان دا اِقرار نہ کریندے ہَن، کِتھائیں اِینویں نہ تھیوے جو او عبادت خانہ ءچوں کڈھ ڈِتے ونجنڑ۔

یُوحنّا 19:38

اِنہاں گالھیں دے بعد ہِک بندہ یُوسف جیہڑا ارِمَتِیاہ دا راہنڑ آلا ہا تے یسُوع دا شاگرد ہا، پر یہُودی سرداراں دے ڈر کنُوں خُفیہ طور تے، او پِیلاطُس دے کولھ گِیا تے یسُوع دی لاش کُوں گِھن ونجنڑ دی اِجازت منگی۔ پِیلاطُس اِجازت ڈے ڈِتی تے او آ تے یسُوع دی لاش کُوں گِھن گِیا۔

یُوحنّا 9:22

اُوندے ماء پِیُو ایہ یہُودی سرداراں دے ڈر کنُوں آکھیا ہا کیوں جو اُنہاں آپس ءچ فیصلہ کر گِھدا ہا جو جیہڑا کوئی وی اِقرار کریسی جو یسُوع ای المسیح ہے، او عبادت خانہ ءچوں کڈھ ڈِتا ویسی۔

اعمال 19:17

جِیں ویلے اِفِسُس دے یہُودیاں تے یُونانیاں کُوں اِیں گالھ دا پتہ چلیا تاں اُنہاں اُتے خوف چھا گِیا تے خُداوند یسُوع دے ناں دی تعریف تھئی۔

اعمال 2:47

تے خُدا دی حمد کریندے تے سارے لوکاں دی نظر ءچ مقبول ہَن۔ تے خُداوند ہر روز نجات پاوݨ آلیاں کُوں جماعت ءچ شامل کر ڈیندا ہا۔

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

اعمال 5:26

وَل ہیکل دے محافظاں دا سردار آپنڑے سپاہیاں نال وَنج تے اُنہاں کُوں گِھن آیا پر زور نال نئیں کیوں جو لوکاں کنُوں ڈردے ہَن جو ساکُوں سنگسار نہ کرݨ۔

اعمال 5:5

حننیاہ ایہ سُنڑدے ای ڈھٹھا تے مر گِیا، تے سبھ سُنڑݨ آلیاں اُتے بہُوں خوف چھا گِیا۔

2کُرِنتھِیوں 10:15

تے اساں آپنڑی حد تُوں باہر وَنج تے بئے دی محنت اُتے فخر نئیں کریندے بلکہ اُمید رکھیندے ہیں جو تُہاڈے اِیمان ءچ ترقی پارُوں تے اِینویں تُہاڈے ذریعے ساڈی خدمت دی حد وی مزید ودھے،