اعمال 5:12 - کِتاب مُقدّس سرائیکی ترجمہ

¹² تے رسُولاں دے ہتُھوں بہُوں سارے معجزے تے عجیب کم لوکاں ءچ تھیندے ہَن۔ تے سارے اِیماندار ہِک دل تھی تے سُلیمان دے برانڈے ءچ جمع تھیندے ہَن۔

اعمال 5:12 Iomraidhean Croise

مرقس 16:20

وَل شاگرداں نِکل تے جاہ جاہ تبلیغ کیتی، تے خُداوند اُنہاں دے نال کم کریندا ریہا، تے اُنہاں معجزیاں دے وسیلے نال جیہڑے نال نال تھیندے ہَن کلام کُوں ثابت کریندا ریہا۔

یُوحنّا 10:23

یسُوع ہیکل دے سُلیمانی برانڈے ءچ ٹہلدا پِیا ہا۔

یُوحنّا 4:48

یسُوع اُونکُوں آکھیا، ”جئیں تئیں تُساں لوک معجزہ تے عجیب کم نہ ڈیکھ گِھنو، اصلُوں اِیمان نہ گِھن آسو۔“

اعمال 1:14

ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

اعمال 14:3

بس پولُس تے برنباس اُتھاں بہُوں عرصے تئیں ریہے تے خُداوند دے بھروسے تے دلیری نال کلام کریندے ہَن۔ خُداوند اُنہاں معجزیاں تے عجیب کماں دے ذریعے جیہڑے اُنہاں دے ہتُھوں تھیندے ہَن، آپنڑے فضل دے کلام کُوں برحق ثابت کریندا ریہا۔

اعمال 16:18

او بہُوں ڈینہاں تئیں اِینویں ای کریندی ریہی۔ آخر پولُس بہُوں تنگ تھی گِیا تے اُوں مُڑ تے بدرُوح کُوں آکھیا جو ”مَیں تیکُوں یسُوع مسیح دے ناں نال حُکم ڈیندا ہاں جو اِیندے ءچوں نِکل وَنج۔“ تے اُونہی ویلے او بدرُوح اُوں چھوہیر ءچوں نِکل گئی۔

اعمال 19:11

تے خُدا پولُس دے ہتُھوں وڈے وڈے معجزے ڈکھیندا ہا۔

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

اعمال 28:9

جِیں ویلے اِینویں تھیّا تاں اُوں جزیرے دے باقی مریض وی آ تے شِفا پاوݨ لگے۔

اعمال 3:11

جِیں ویلے او بندہ پطرس تے یُوحنّا کُوں پکڑ تے سُلیمانی برانڈے ءچ کھڑا ہا تاں سارے لوک بہُوں حیران تھی تے اُوں دو بھجدے آئے۔

اعمال 4:30

تے تُوں آپنڑی قُدرت دا اِظہار کر تاں جو تیڈے قدُّوس خادم یسُوع دے ناں نال شِفا، معجزے تے عجیب کم تھیوݨ۔“

اعمال 9:33

اُتھاں اُونکُوں اَینیاس ناں دا ہِک فالج دا مریض مِلیا جیہڑا اَٹھ سال کنُوں کَھٹ اُتے پِیا ہا۔

اعمال 9:40

پطرس اُنہاں ساریاں کُوں باہر کڈھ ڈِتا تے گوڈے ٹیک تے دُعا کیتی۔ وَل لاش دو مُڑ تے آکھیا ”تبِیتا! اُٹھی۔“ بس اُوں اکھیں کھول ڈِتیاں تے پطرس کُوں ڈیکھ تے اُٹھی تے بہہ گئی۔

رومیوں 15:19

معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

2کُرِنتھِیوں 12:12

مَیں بہُوں صبر نال، تے نشاناں تے عجیب کماں تے معجزیاں دے وسیلے نال تُہاڈے وچال رسُول ہووݨ دے ثبوت ظاہر کریندا ریہا۔

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔